0
0
Շաբաթ, Մարտ 8-ին, Լոս Անճելըսի “Միլենիըմ Պիլթմոր“ պանդոկին մէջ տեղի ունեցաւ Հայ մշակութային հիմնարկութեան տարեկան ձեռնարկը` մասնակցութեամբ քանի մը հարիւր համակիրներու եւ նուիրատուներու, լուսարձակի տակ առնելով կազմակերպութեան գլխաւոր իրագործումները ու վերահաստատելով անոր նպատակներուն հասնելու համար իրագործուելիք ծրագիրներուն իր նուիրուածութիւնը:
Ձեռնարկին ընթացքին բարերար Հէրի Նաճարեան մեծարուեցաւ իբրեւ Հայ մշակութային հիմնարկութեան “Տասնամեակի Անձնաւորութիւնը“, իսկ Չարլի Կալեան` իբրեւ “Տարուան Անձնաւորութիւնը“:
Նաճարեանի եւ Կալեանի մասին արտայայտուելով` ձեռնարկի գլխաւոր բանախօս` Հ.Յ.Դ. Արեւմտեան Ամերիկայի Կեդրոնական կոմիտէի ներկայացուցիչ` Վիգէն Յովսէփեան, դրուատեց անոր “յամառ նուիրումը եւ առատաձեռնութիւնը“, ինչպէս նաեւ հաւատարմութիւնը` Հայ Դատին եւ Հայ Մշակութային հիմնարկին:
