0
0
ՈՒԱՇԻՆԿԹԸՆ․- Հոկտեմբեր 24-ին, Սուրբ Խաչ եկեղեցւոյ «Արապեան» սրահին մէջ տեղի ունեցաւ «Gate to Heaven» ժապաւէնին ցուցադրութիւնը՝ կազմակերպութեամբ Ուաշինկթընի Հ․Յ․Դ․ «Սեպուհ» կոմիտէին եւ մասնակցութեամբ շրջանի Համազգայինի, Հ․Օ․Մ․-ի, Հ․Մ․Ը․Մ․-ի եւ Հ․Ե․Դ․-ի մասնաճիւղերուն։
Ցուցադրութեան աւարտին, Աւետիսեան խօսեցաւ 44օրեայ պատերազմին նուիրուած յաջորդ գործին՝«Վերածնունդ»-ին մասին։
Աւետիսեանին կ՛ընկերանային բեմագրող Նարինէ Ոսկեանեան եւ Հայ Դատի երկար տարիներու գործիչ Կարօ Մատէնլեան։ Աւետիսեան, Մատէնլեան եւ Ամերիկայի Հայ Դատի գործադիր վարիչ Արամ Համբարեան ու կառավարական հարցերու վարիչ Թերեզա Երիմեան հանդիպումներ ունեցան շարք մը քոնկրէսականներու, ներառեալ՝ Միշէլ Սթիլի, Ռաշիտա Թլէյպի եւ Եանկ Քիմի հետ, մանրամասնութիւններ փոխանցելով Արցախի տագնապին, անցեալ տարուան թուրք-ատրպէյճանական յարձակումին ընթացքին արձանագրուած բռնարարքներուն եւ անոնց հետեւանքներուն մասին։
Աւետիսեանի գործը ցուղադրուած էր այլ գաղութներէ ներս, որոնց կարգին Նիւ Եորք, Նիւ Ճըրզի եւ Պոսթըն։
