«Բառապաշար Նախարար».- ՏԱՆԱՍՈՒՆ

0 0
Read Time:1 Minute, 33 Second

«Բառապաշար Նախարար»-ի գաղափարն ու մտայղացումը կու գայ Ա․Մ․Ն․ Արեւելեան Շրջանի Հ․Ե․Դ․-ի հայերէն լեզուով զրուցելու «Զրոյց – Մրոյց» խմբակէն։ Հետաքրքրուողները կրնան գրութեան տակ, մեկնաբանութիւններով կամ ե-նամակով ( clc@ayf.org) արտայայտուիլ եւ յայտնել իրենց կարծիքը։

Կար ու չկար, յատուկ մարդ մը կար. ան կը կոչուէր «Բառապաշար Նախարար»։

Ուրեմն ո՞վ է այս «Բառապաշար Նախարար»-ը։ Ծանօթ չէ՞ք։ Ծանօթացնենք։

Իր անունը արդէն իսկ կը մատնէ, թէ «Բառապաշար Նախարար»-ին մասնագիտութիւնը նոր բառ ստեղծելու մէջն է։ Համալսարանէն ներս, իր անգլերէն լեզուի ուսումը կատարելու ընթացքին, ան անդրադարձաւ, որ շատ մը բառեր անգլերենէն հայերէն թարգմանութիւն չունէին եւ ուրեմն, որոշեց գործի անցնիլ։

_

Վերջերս, մեր սիրելի «Բառապաշար Նախարար»-ը սկսաւ ձանձրանալ։ Ամառնային օրերը կամաց-կամաց կ՛անցնէին, բայց մասնաւոր ընելիք չունէր։ Գործի կ՛երթար կու գար, ընթրիք կը պատրաստէր, երբեմն հաճոյքի համար դուրս կ՛ելլէր, բայց դեռ կը զգար որ բան մը պակաս էր իր կեանքէն ներս։ Տունը միշտ պարապ էր եւ մեր սիրելին մէկը չունէր, որ իր օրուայ պատահած անցուդարձերը պատմէ, հետը խնդայ կամ խոստովանի։

Հիմա կարելի է ենթադրել, թէ արդե՞օք «Բառապաշար Նախարար»-ը կեանքի ընկերուհի  կը փնտռէ՞։ Վա՜խխխխ….. ընկերուհ՞ին ուր, «Բառապաշար Նախարար»-ը ուր։ Շատ կ՛ամչնար մեր սիրելին- ուրեմն աւելի դիւրին լուծում պետք էր։ Ճիշտ մտածած ատենը, բախտը բացուեցաւ, եւ իր պատուհանէն վար նայելով պզտլիկ շուն մը տեսաւ։ Որքա՜ն ուրախ կերեւէր տէրը։

Որոշեց մեր սիրելին որ ինքն ալ շունիկ պէտք ուներ տունին մէջ իբր pet: Անասուն շատ հը սիրէր, եւ աւելի լաւ-իրենցմէ չէր ամչնար։ Մտածեց թէ հայերէնով երբեք pet բառը չեր լսած: Արդե՞ք «անասուն» կամ «տունի անասուն» կարելի էր ընդուիլ իբրեւ թարգմանութիւն ։ Մտածեց ու մտածեց: Ինչո՞ւ չենք միացներ այդ բառերը, այսինքն տունն ու անասունը եւ կամ տունի անասունը…..

Եւ ահաւասիկ ՏԱՆԱՍՈՒՆ, այսինքն  pet:

Բառապաշար Նախարարը շատ գոհ է իր որոշումով- դուք համաձայն է՞ք:

__

Հետաքրքրուողները կրնան այս գրութեան տակ, զանազան մեկնաբանութիւններով կամ ե-նամակով ( clc@ayf.org ) արտայայտուիլ եւ յայտնել իրենց կարծիքը։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles