Բազմահազար Հայորդիներու Արժանապատուութեան Երթը Կը Շարունակուի

0 0
Read Time:56 Second


ԵՐԵՒԱՆ.- Երկուշաբթի, 14 դեկտեմբերին տեղի ունեցաւ Նիկոլ Փաշինեանի հրաժարականի պահանջով եւ Հայրենիքի փրկութեան շարժումին կազմակերպութեամբ բազմահազար քաղաքացիներու Արժանապատուութեան երթը, որուն մեկնարկը տրուեցաւ Արաբկիր վարչական շրջանի Վահագն Դաւթեան զբօսայգիէն:

Հ.Յ. Դաշնակցութեան Հայաստանի Գերագոյն մարմինի ներկայացուցիչ Իշխան Սաղաթէլեանը կոչ ուղղեց համախմբելու բոլոր ուժերը եւ հեռացնելու ազգի դաւաճան Նիկոլ Փաշինեանը: Սաղաթէլեան նշեց, որ եթէ Նիկոլ Փաշինեանը չգիտակցեցաւ, որ պէտք է հեռանայ այդ պաշտօնէն, միասին պէտք է այդ պաշտօնը հեռացնենք Նիկոլէն:

«Բարգաւաճ Հայաստան» խմբակցութեան քարտուղար Արման Աբովեան նշեց, որ այն, ինչ որ կը կատարուի Հայաստանի մէջ, կարելի է 2 բառով բնութագրել` մարդիկ պատրաստ են եւ պիտի պայքարին ո՛չ միայն իրենց ֆիզիքական անվտանգութեան համար, այլ պիտի պայքարին նաեւ իրենց պատուին եւ արժանապատուութեան համար: «Հայաստանի մէջ ստամոքսի եւ ոգիի պայքար է, եւ հայու ոգին պիտի յաղթէ», ըսաւ ան:

Սուրբ Աննա եկեղեցւոյ բակին մէջ Հայրենիքի փրկութեան շարժումի` վարչապետի միասնական թեկնածու Վազգէն Մանուկեան դիմեց Արժանապատուութեան երթի մասնակիցներուն.

«Այս պայքարը իսկապէս մեր հայրենիքին համար է, որ ոտքի կանգնինք, երթանք յառաջ: Խոչընդոտ մը կայ, Նիկոլ Փաշինեանը խոչընդոտ է, այդ խոչընդոտը պէտք է մէկ կողմ դնել եւ շարունակել երթալ յառաջ», ըսաւ Մանուկեան:

Ընդդիմութեան վարչապետի միասնական թեկնածուն պնդեց, որ շատ բան ստիպուած պիտի ըլլան սկսելու զերոյէն:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles