Ա․Մ․Ն․ Արեւելեան Շրջանի Հ․Ե․Դաշնակցութիւնը Յայտարարութիւնը Աղաւնոն Եւ Ամբողջ Բերձորն ու Լաչինը Ատրպէյճանին Յանձնելու Գործընթացին Մասին

0 0
Read Time:50 Second

ՈՒԱԹԸՐԹԱՈՒՆ․- Ա․Մ․Ն․ արեւելեան շրջանի Հայ Երիտասարդաց Դաշնակցութիւնը, Օգոստոս 10, 2022-ի թուակիր յատուկ յայտարարութեամբ մը բռնօրէն դատապարտեց Աղաւնոն եւ ամբողջ Բերձորն ու Լաչինը Ատրպէյճանին յանձնելու գործընթացը։

Յայտարարութեան մէջ կը նշուի, որ Ատրպէյճան կը շարունակէ խախտել զինադադարը, շարունակ յարձակումներ կատարելով եւ պատճառ դառնալով, որ Արցախի պաշտպանութեան բանակի զինուորներ վիրաւորուին եւ նահատակուին։ Կը նշուի, նաեւ Աղաւնոյի գիւղապետ Անդրանիկ Չաւուշեանի մէկ հաստատումը, թէ Արցախի տարածքային կառավարման եւ ենթակառուցուածքներու նախարար Հայկ Խանումեան մինչեւ 25 Օգոստոս ժամանակ տուած է Աղաւնոյի եւ Բերձորի բնակիչներուն, իրենց բնակավայրերէն դուրս գալու համար:

Յաւելեալ մանրամասնութիւններ փոխանցելով եւ քննադատելով ներկայ վարչապետ Նիկոլ Փաշինեանի ձախող եւ վտանգաւոր քաղաքականութիւնը, Ա․Մ․Ն․ արեւելեան շրջանի Հայ Երիտասարդաց Դաշնակցութիւնը ահազանգ կը հնչեցնէ, որ այս հողերու յանձնումով, Արցախը պիտի մնայ պաշարուած։

Հ․Ե․ Դաշնակցութիւնը կոչ կ՛ընէ․-

1․- Հեռաձայնել Սպիտակ Տան (202) 456-1111 թիւին (ժամը 11-էն 3) եւ պահանջել որ ամէն գնով դադրեցուի Ատրպէյճանի զինուորական օժանդակութիւնը։

2․- Կապ հաստատել քոնկրէսականի կամ ներկայացուցիչի հետ, բացտրելով, թէ պէտք է քննադատուին Ատրպէյճանի կատարած հետեւողական յարձակումները եւ փոխարէն բարձրացնել օժանդակութիւնը՝ Արցախին։

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles