Արցախի Տեղական Ինքնակառավարման Մարմիններու Ընտրութիւններ Հ.Յ.Դ.-ի 40 Թեկնածուներէն՝ 32-ը Ընտրուած

0 0
Read Time:51 Second

p1 artsakh elections

ՍՏԵՓԱՆԱԿԵՐՏ («Ապառաժ»).- Սեպտեմբեր 13-ին, Արցախի մէջ կատարուեցաւ տեղական ինքնակառավարման մարմիններու ընտրութիւն:

Այս գծով, տեղւոյն կեդրոնական ընտրական յանձնախումբը ներկայացուց Ստեփանակերտի, շրջանային կեդրոններուն եւ համայնքներուն մէջ տեղի ունեցած ընտրութիւններուն նախնական արդիւնքները:

Հ.Յ.Դ. Արցախի Կեդրոնական կոմիտէի անդամ, գրասենեակի պատասխանատու Արա Պուլուզեան յայտնեց, թէ Հ.Յ.Դ.-ի շրջանային կառոյցները սատարեցին համայնքի ղեկավարներու եւ աւագանիի մօտաւորապէս քառասուն թեկնածուներու, որոնցմէ 32 հոգի ընտրուած է:

«Դաշնակցութիւնը միշտ ալ կարեւոր նկատած է տեղական ինքնակառավարման մարմիններուն տեղն ու գործունէութիւնը երկրի կառավարման համակարգին մէջ: Դժբախտաբար, վերջին տարիներուն նուազած է տեղական ինքնակառավարման մարմիններուն կարեւորութիւնը, որուն պատճառը երկրի կառավարման համակարգի գերկեդրոնացուածութիւնն է», յայտնեց Արա Պուլուզեան: Ան նաեւ շեշտեց, որ Հ.Յ.Դաշնակցութեան մարմինները երկու ամիս առաջ սկսած են աշխատանքներու: Իւրաքանչիւր շրջանի պատասխանատու մարմին ճշդած էր իր շրջանի յարմար թեկնածուներու ցանկը, որ կը ներառէր կուսակցական եւ համակիր անհատներ:

Արա Պուլուզեան աւելցուց, թէ տեղական ինքնակառավարման մարմիններու ընտրութիւնները ունեցան իրենց քաղաքական արժէքը ղարաբաղեան հարցին մէջ: Ան եզրակացուց, յայտնելով թէ.-«Կարեւոր է, որ այս շրջագիծին մէջ վերջին օրերուն Արցախ հասած ինչպէս եւրոպացի խորհրդարանականները, այնպէս ալ Միացեալ Նահանգները պետական մակարդակով հաստատեցին ընտրութիւններ կատարելու օրինականութիւնը»:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Հ.Օ.Մ.-Ի ՀԵՐԹԱԿԱՆ ՕԳՆՈՒԹԻՒՆԸ ՍՈՒՐԻԱՀԱՅ ԸՆՏԱՆԻՔՆԵՐՈՒՆ
Next post ԳՈՐՇ ԳԱՅԼԵՐ…ԵՒ ԱՄՊԵՐ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles