Արցախի Նախագահ Բակօ Սահակեանի Հանդիպումները Ուաշինկթընի Մէջ

0 0
Read Time:1 Minute, 1 Second


ՈՒԱՇԻՆԿԹԸՆ.- Արցախի Հանրապետութեան նախագահ Բակօ Սահակեան, որ իր պատուիրակութեան հետ այցելած էր Քեփիթըլ Հիլ, շարունակեց իր շրջապտոյտը, մայրաքաղաքին մէջ:
Կիրակի, Մարտ 18-ին, Սահակեան այցելեց շրջանի Սուրբ Մարիամ եւ Սուրբ Խաչ հայկական եկեղեցիները, եւ ներկայ գտնուեցաւ մատուցուած սուրբ պատարագներուն: Ան հանդիպում ունեցաւ ծխական խորհուրդի եւ ներկայացուցիչներուն հետ: Այս հանդիպումներուն, արծարծուեցան Արցախ-Սփիւռք կապերը: Նախագահ Սահակեան կարեւորեց շրջանի համայնքի դերն ու նշանակութիւնը, երախտագիտութիւն յայտնելով Արցախին շարունակ սատարելու համար:
Նախագահը նաեւ մասնակցեցաւ համայնքային ընդունելութեան` ի պատիւ Արցախի Հանրապետութեան պատուիրակութեան: Ողջոյնի իր խօսքին մէջ նախագահ Սահակեան նշեց, որ ամերիկահայ համայնքը մեծ աշխատանք կը կատարէ` ուղղուած Միացեալ Նահանգներու հետ Արցախի ու Հայաստանի կապերու զարգացման, փոխադարձ գործակցութեան ընդլայնման, բարեկամութեան ամրապնդման` աւելցնելով, որ անոր անմիջական մասնակցութեամբ տարիներ շարունակ Արցախի մէջ կեանքի կոչուած են ընկերային-տնտեսական, մարդասիրական բնոյթի ռազմավարական բազմաթիւ ծրագիրներ:
«Ամերիկահայ համայնքը եւ ամերիկացի մեր բարեկամները աշխուժօրէն ներգրաւուած են Արցախի միջազգային ճանաչման, մեր երկիրը Միացեալ Նահանգներու եւ արտաքին աշխարհին մէջ ներկայացնելու եւ ճշմարտացի տեղեկութիւններ հաղորդելու գործին մէջ: Այդ բոլորը արժանի է բարձր գնահատանքի», իր ելոյթին մէջ ընդգծած է նախագահ Սահակեան:
Ելոյթէն ետք նախագահ Սահակեան Արցախի Հանրապետութեան մատուցած ծառայութիւններու, Արցախին միշտ սատարելու համար պետական բարձր պարգեւներ յանձնած է հայկական շարք մը կազմակերպութիւններու եւ անոնց ներկայացուցիչներուն:
Նախագահ Սահակեան, նաեւ տեսակցեցաւ Ռամկավար Ազատական Կուսակցութեան գերագոյն խորհուրդի անդամներուն եւ Ամերիկայի հայկական համագումարի ղեկավարութեան հետ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles