Արցախի Մէջ.- Հ.Յ.Դ. 125-Ամեակի Տօնակատարութիւն

0 0
Read Time:2 Minute, 30 Second

ARF-125_Artsakh1

ՍՏԵՓԱՆԱԿԵՐՏ («Ապառաժ»).- Դեկտեմբեր 19-ին, մշակոյթի եւ երիտասարդութեան պալատին մէջ տեղի ունեցաւ Հ.Յ.Դ. .Արցախի կառոյցին կողմէ կազմակերպուած Հ.Յ.Դ. 125-ամեակի հանդիսաւոր ձեռնարկը:
Ձեռնարկին բացումը կատարուեցաւ Արցախի Հանրապետութեան եւ Հ.Յ.Դ.-ի քայլերգներով: Այնուհետեւ մէկ վայրկեան լռութեամբ ներկաները յարգեցին արցախեան պատերազմին եւ Արցախի սահմանի պաշտպանութեան համար նահատակուած բոլոր զինուորներուն յիշատակը:ARF-125_Artsakh3ARF-125_Artsakh2
Ներկայ էին Հ.Յ.Դ. Բիւրոյի քաղաքական ներկայացուցիչ Արմէն Ռուստամեան, Հ.Յ.Դ. Հայաստանի Գերագոյն մարմինի ներկայացուցիչ Աղուան Վարդանեան, ՀՅԴ Արցախի Կեդրոնական կոմիտէի ներկայացուցիչ, Արցախի Ազգային ժողովի «Դաշնակցութիւն» խմբակցութեան ղեկավար Դաւիթ Իշխանեան, Արցախի Ազգային ժողովի նախագահ Աշոտ Ղուլեան, Հ.Յ.Դ. Արցախի Կեդրոնական կոմիտէի անդամ, Արցախի Ազգային ժողովի փոխնախագահ Վահրամ Բալայեան, Արցախի քաղաքական կուսակցութիւններու ներկայացուցիչներ, Ազգային ժողովի պատգամաւորներ, բարձրաստիճան շարք մը պաշտօնեաներ, կուսակցական ընկերներ եւ հիւրեր:
Հ.Յ.Դ. Արցախի Կեդրոնական կոմիտէի ներկայացուցիչ, Արցախի Հանրապետութեան Ազգային ժողովի «Դաշնակցութիւն» խմբակցութեան ղեկավար Դաւիթ Իշխանեան, ըսաւ.- «Հ.Յ.Դ. 125-ամեակի տօնակատարութիւններու շարքը աշխարհի տարբեր երկիրներուն մէջ կը շարունակուի: Տօնակատարութիւնները ամէն տեղ նոյն բովանդակութեամբ են: Նոյնն են Հ.Յ.Դ.-ի անցած ուղիին գնահատականները, նաեւ անոր առջեւ ծառացած մարտահրաւէրներն ու անոնց լուծման ուղիները, բայց կարեւոր ընդհանրութիւնն ու նոյնութիւնը այն է, որ Դաշնակցութեան աշխարհասփիւռ եւ ապակեդրոն կառոյցին համար կայ մէկ կէտ, որ Հայաստանն է ու հայ ժողովուրդը: Կայ մէկ անփոփոխ կարգախօս` ամէն ինչ յանուն Հայաստանին ու հայ ժողովուրդին», նշեց Դ. Իշխանեան:
Հ.Յ.Դ. Բիւրոյի քաղաքական ներկայացուցիչ Արմէն Ռուստամեան ողջունեց ներկաները, եւ նշեց, որ Դաշնակցութիւնը միայն դաշնակցականներու կուսակցութիւնը չէ, Հ.Յ.Դաշնակցութիւնը կազմակերպութիւն է, որ ելած է հայ ժողովուրդի ծոցէն, հայ ժողովուրդին պահանջով ձեւաւորուած եւ պիտի գոյատեւէ այնքան, քանի մեր ազգային խնդիրները չեն լուծուած:
«Հաւատքի եւ գործի համատեղումը եղած է Դաշնակցութեան սուրբ պարտականութիւնը եւ բոլոր այն դէպքերուն ընթացքին, երբ մենք յաջողած ենք, յաջողած ենք, որովհետեւ կրցած ենք միացնել մեր հաւատքն ու գործը: Այդ հաւատքի եւ գործի համատեղումն ու միաւորումն էր, որ ծնունդ տուաւ Դաշնակցութեան` հասկնալով, որ պէտք է հաւատալ սեփական ուժերուն: Հաւատքն ու գործը ապահովեցին անկախ Հայաստան, ազատագրուած Արցախ: Այսօր նոյն հաւատքն ու գործն են, որ մեր սահմանին վրայ կանգնած զինուորները կը պահեն», յայտնեց Ռուստամեան:
Շնորհաւորական խօսքով հանդէս եկաւ Արցախի Հանրապետութեան Ազգային ժողովի նախագահ, Արցախի ժողովրդավարական կուսակցութեան ղեկավար Աշոտ Ղուլեան: Ան արժեւորեց Հ.Յ. Դաշնակցութեան 125 տարիներու հայանպաստ գործունէութիւնը եւ նշեց, որ այսօր ալ կուսակցութիւնը կը շարունակէ իր նոյն ուղին.- «Այսօր ալ Հ.Յ.Դ. Արցախի կառոյցը մեր ազդեցիկ ու ամէնէն կազմակերպուած ուժերէն մէկն է: Հ.Յ.Դաշնակցութեան մասնակցութիւնը Արցախի պետական կեանքին մէջ միշտ ալ նկատելի եղած է: Երկրի խորհրդարանին մէջ «Դաշնակցութիւն» խմբակցութեան հետ համագործակցութիւնը նախորդ տարիներուն ալ արդիւնաւէտ եղած է, եւ վստահ ենք` այդ մթնոլորտը թոյլ պիտի տայ լուծումներ գտնելու բազմաթիւ հրատապ հարցերու համար: Արցախի Հանրապետութեան իշխանութիւններուն եւ մեր կուսակցութեան անունով կը շնորհաւորենք Հ.Յ.Դ. 125-ամեակը` մաղթելով քաղաքական ձեռքբերումներ` ի շահ Հայաստանի եւ Արցախի հզօրացման», ըսաւ Աշոտ Ղուլեան:
Հանդէս եկաւ նաեւ Լեռնային Ղարաբաղի Հանրապետութեան Ազգային ժողովի «Հայրենիք» խմբակցութեան ղեկավար Արթուր Թովմասեան, որ կարեւոր նկատեց Դաշնակցութեան դերակատարութիւնը հայոց պատմութեան վճռորոշ ժամանակահատուածներուն մէջ եւ նշեց, որ անիկա պատուով կը կրէ «հայկական աւանդական կուսակցութիւն» տիտղոսը:
Կատարուեցաւ Հ.Յ.Դ. 125-ամեակին նուիրուած ժապաւէնի ցուցադրութիւնը եւ աւարտին, տեղի ունեցաւ «Հ.Յ. Դաշնակցութիւնը 125 տարեկան է» խորագիրով ստեղծագործական աշխատանքներու մրցումի մրցանակաբաշխութիւնը:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles