Արցախի Անկախութեան 24-Ամեակ

Սեպտեմբեր 2-ը պատմական օր է ո՛չ թէ միայն Արցախի համար, այլ համայն հայութեան: Յստակ է թէ Արցախի Հանրապետութեան անկախութեան հռչակման օրուան նշումը բազմախորհուրդ բովանդակութիւն կը պարփակէ: Մանաւանդ որ, Պաքու իր նախայարձակ ոտնձգութիւններով, հետզհետէ աւելի ճնշում կ՛ուզէ բանեցնել: Արցախեան այսօրուան անխորտակելի եւ անթափանցելի սահմանները կը փաստեն թէ որքան կարեւոր նշանակութիւն ունին: