Արցախեան Գինիի Փառատօն Հատրութի Տող Գիւղին Մէջ

0 0
Read Time:1 Minute, 30 Second

????????????????????????????????????

Արցախի Հանրապետութեան Հատրութ շրջանի Տող գիւղին մէջ, Հոկտեմբեր 17ին կայացաւ Արցախեան գինիի փառատօնը, որուն կազմակերպիչ յանձնաժողովը, օրին հրապարակած էր այս առթիւ մշակութային ծրագիր մը:
Արցախեան գինիի այս երկրորդ փառատօնը կազմակերպուած է Արցախի տնտեսութեան նախարարութեան կողմէ` անձնական ընկերութիւններու հետ համագործակցութեամբ: Այս գծով փըս-նախարար Սերգեյ Շահվերտեան կը յայտնէ.- «Փառատօնը երկու հիմնական նպատակ ունի` ստեղծել բարենպաստ պայմաններ տեղացի գինի արտադրողների արտադրանքն իրացնելու համար եւ ձեւաւորել նոր զբօսաշրջային արտադրանք»։

????????????????????????????????????
Բացման հանդիսաւոր արարողութիւնը կատարուեցաւ տաշտի մէջ խաղողը ճզմելու ծիսակատարութեամբ եւ նախորդ տարուան արարողութենէն ստացուած գինիի պարենաւորմամբ: Հոգեւոր հովիւ Տէր Մատթէոս Դրավունցի կողմից կատարուեցաւ խաղողօրհնէքի արարողութիւն:
Այս ձեռնարկին ներկայ էին Արցախի գլխաւոր դատախազ Արթուր Մոսիյեան, Հ.Հ. տնտեսութեան նախարարութԵան պետ Մեխակ Ապրեսեան, Արցախի արտաքին գործոց նախարար Կարէն Միրզոյեան, Տնտեսութեան նախարար Անդրանիկ Խաչատրեան, Մշակոյթի եւ երիտասարդութեան հարցերու նախարար Նարինէ Աղապալեան, Հ.Յ.Դ. Արցախի Կ.Կ. ներկայացուցիչ, Ազգային Ժողովի մօտ խմբակցութեան ղեկավար՝ Դաւիթ Իշխանեան, եւ անդամներ՝ Վահրամ Բալայեան, Լեռնիկ Յովհաննիսեան:
Գինիի Տօնավաճառի կողքին, Տող գիւղի եւ մօտակայ համայնքներու ներդրումով, կատարուեցաւ նաեւ Արցախեան արտադրութիւններու տօնավաճառ:

????????????????????????????????????

Երաժշտական համերգին մասնակցեցան «Մենք ենք մեր սարերը» խումբը, Տողի արուեստի դպրոցի աշակերտները, Կովսականի ազգագրական պարախումբը:
Համերգին ելոյթ ունեցաւ «Հայաստանի ձայնը» պատկերասփիւռի յայտագրի մասնակից Լիլիթ Աւանեսեան եւ ծանօթ դերասան՝ Հրանդ Թոխատեան: Ձեռային աշխատանքներու ցուցահանդէս-վաճառքին ներկայացուեցան արցախեան վարպետներու կողմէ պատրաստուած յուշանուէրներ, գորգեր, կաւէ ամանեղէն, արցախեան զարդեր եւ այլն:25758

????????????????????????????????????
Այս առթիւ Տողի Մելիքական Ապարանքի տարածքին կազմակերպուեցան տարբեր ազգագրական խաղեր եւ պարերու ուսուցում` փառատօնի հիւրերու մասնակցութեամբ:
Փառատօնը ամենամեայ տօնախմբութիւն է, որ կը կազմակերպուի Հոկտեմբերի երրորդ շաբաթ օրը: Անոր նպատակ ունի զարգացնել համայնքներու հասարակական-տնտեսական եւ մշակութային կեանքը, ինչպէս նաեւ ստեղծել հանդիպման հարթակ՝ գինեգործներու միջեւ:
Այսպէս ծրագրին մէջ նկատի առնուած էին բացման հանդիսաւոր արարողութիւն, երաժշտական համերգ, ազգագրական պարեր ու խաղեր, ձեռքի աշխատանքներու ցուցահանդէս-վաճառք, խաղարկութիւն եւ աճուրդ:
Անցեալ տարի փառատօնին մասնակցած էին 24 գինեգործ եւ աւելի քան 1500 հիւր այցելուներ՝ Արցախէն, Հայաստանէն եւ արտերկրէն:
Փառատօնի աւարտին կատարուեցաւ վիճակահանութիւն եւ աճուրդ, շատ աւելի հետաքրքրութիւն ստեղծելու համար:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles