Արշաւ՝ Մատրիտեան Սկզբունքներուն Դէմ

0 0
Read Time:58 Second

anc RecklessMadrid

ՈՒԱՇԻՆԹԸՆ.- Հայ Դատի Յանձնախումբը արշաւի մը սկսած է այսպէս կոչուած Մատրիտեան սկզբունքներուն դէմ, ամերիկացի պետական պաշտօնատարներուն ծանօթացնելու համար շրջանի խաղաղութեան վրայ անոր ունենալիք բացասական հետեւանքները։
Այս մասին յանձնախումբին տարածած հաղորդագրութեան մէջ կոչ կ՛ուղղուի ԵԱՀԿ Մինսքի խմբակին, Միացեալ Նահանգներու նախագահ Պարաք Օպամայի վարչակազմին եւ ամերիկացի քոնկրեսականներուն, որ աջակցին Լեռնային Ղարաբաղի հակամարտութեան ժողովրդավար ճամբով լուծում մը գտնելու ջանքերուն, որոնք պիտի երաշխաւորեն ինքնորոշման համամարդկային գաղափարի իրականացումը եւ մարդկային հիմնարար իրաւունքներու ապահովումը:
«Միացեալ Նահանգներն ու միջազգային միջնորդները պէտք է մերժեն խորապէս սխալ ու անխոհեմ Մատրիտեան սկզբունքները, որոնք Լեռնային Ղարաբաղէն ռազմավարական ու անդարձ զիջումներ կը պահանջեն՝ Ատրպէյճանի կողմէ անորոշ կարգավիճակի մը տրամադրման խոստումին փոխարէն», նշուած է յայտարարութեան մէջ:
Հայ Դատի յանձնախումբը կը շեշտէ նաեւ, որ Մատրիտեան սկզբունքները նպաստաւոր պիտի ըլլան միայն յարձակողապաշտ քաղաքականութիւն որդեգրած Ատրպէյճանին համար, միաժամանակ կոչ ընելով, որ հետեւեալ քայլերը որդեգրուին.

– Խաղաղութեան հաւասարակշռուած համաձայնագիրի գոյացում ԵԱՀԿ Մինսկի խմբակին կողմէ.

– Զինուորական յարձակումներու անմիջական կասեցում՝ արձակազէններու հեռացումով, միջազգային դէտերու հաստատումով եւ յարձակող կողմը բացայայտող սարքերու տեղադրումով.

– Ատրպէյճանական ռազմական գործողութիւններու դատապարտում.

– Արցախի մասնակցութիւն՝ խաղաղութեան բանակցութեանց.

– Առնուազն 5 միլիոն տոլարի օժանդակութեան տրամադրում՝ Արցախի մարդասիրական կարիքներուն.

– Ատրպէյճանի տրամադրուող ռազմական օժանդակութեանց կասեցում։

Այս արշաւին միանալու համար, այցելել այս նպատակով Ամերիկայի Հայ Դատի յանձնախումբին պատրաստած կայքէջը՝ www.anca.org/madrid։

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles