0
0
ՊՈՒԷՆՈՍ ԱՅՐԷՍ.- Սեպտեմբեր 12-ին, Արժանթինի խորհրդարանին մէջ կազմուեցաւ Հայաստանի եւ Արժանթինի երեսփոխանական տան միջեւ բարեկամական խումբը` նախագահութեամբ երեսփոխան Քրիստինա Զիեպարթի (“Ֆրենթէ փարա լա Վիքթորիա“ կուսակցութիւն):
Ներկայացման արարողութեան ներկայ գտնուեցան արտաքին յարաբերութեանց եւ կրօնի յանձնախումբի նախագահ Կիյերմօ Քարմոնա եւ բարեկամական խումբերու համադրող Սանտրա Քապայերօ, ինչպէս նաեւ այլ երեսփոխաններ, կառավարական պաշտօնեաներ եւ Հարաւային Ամերիկայի Հայ Դատի յանձնախումբի անդամներ:
Երեսփոխան Կիյերմօ Քարմոնա Արժանթինի մէջ հայ համայնքին կարեւորութիւնը շեշտեց` նշելով Հայոց Ցեղասպանութեան նկատմամբ երկրին յստակ դիրքորոշումը, որուն նմոյշն է Հայոց Ցեղասպանութեան ի յիշատակ 24 Ապրիլը “Հանդուրժողականութեան եւ ժողովուրդներուն միջեւ յարգանքի օր“ հռչակող թիւ 26.199 օրէնքը:
Խումբի մաս կը կազմեն երեսփոխաններ Քարլոս Ռայմունտի (“Նուեվօ Էնքուենթրօ“ կուսակցութիւն), Տիանա Քոնթի (“Ֆրենթէ փարա լա Վիքթորիա“ կուսակցութիւն), Օմար Պարչեթթա (Ընկերվարական կուսակցութիւն), Ալֆրետօ Աթանասոֆ (“Ֆրենթէ Փերոնիսթա“ կուսակցութիւն), Խուան Քարլոս Սապալսա (Ընկերվարական կուսակցութիւն), Ռոտոլֆօ Ֆերնանտես (Ռատիքալ կուսակցութիւն), Ռիքարտօ Խիլ Լավետրա (Ռատիքալ կուսակցութիւն), Մարիօ Մեթասա (Ֆրենթէ փարա լա Վիքթորիա կուսակցութիւն), Քլաուտիօ Լոսանօ (Ունիտատ Փոփուլար կուսակցութիւն), Օսքար Քուրիլեն (Ֆրենթէ փարա լա Վիքթորիա կուսակցութիւն), Պէաթրիս Լոթթօ (Ֆրենթէ փարա լա Վիքթորիա կուսակցութիւն) եւ Մոնիքա Քոնթրերա (Ֆրենթէ փարա լա Վիքթորիա կուսակցութիւն):
Հայաստանի Հանրապետութեան դեսպան Վահագն Մելիքեան‘ Հայաստանի Հանրապետութեան եւ Արժանթինի երեսփոխանական տան միջեւ բարեկամական խումբի անդամ երեսփոխաններու հետ
