Արեւմուտքը Կը Հետեւի Հայաստանի Զարգացումներուն

0 0
Read Time:1 Minute, 3 Second

Արեւմտեան աշխարհը՝ Միացեալ Նահանգները եւ Եւրոպական Միութիւնը մօտէն կը հետեւին հայաստանեան ներքաղաքական զարգացումներուն։ Անոնք կոչ ուղղեցին յարգելու հաւաքներու իրաւունքը եւ միեւնոյն ժամանակ շեշտեցին, որ ոստիկանութեան կողմէ ցուցաբերուի զսպուածութիւն:

Երեւանի մօտ Եւրոպական Միութեան պատուիրակութեան ղեկավար, դեսպան Անտրէա Վիքթորինի նշեց, թէ․- «Ականատես եղանք որոշ լարուած իրավիճակներու, որոնց ընթացքին տպաւորութիւն ստացայ, որ պէտք է հարցեր բարձրացնել, ուղիղ կերպով բարձրացնել, եւ ես այդ ըրի: Յստակ յայտարարութիւն կատարեցի, որ ոստիկանութիւնը պէտք է հետեւի բոլոր կանոններուն․ ոստիկանութիւնը եւ իրաւապահ մարմինները պէտք չէ անպատժելի ըլլան: Այս բոլորին պէտք է հետեւել։ Մեր նպատակն է օգնել՝ հասնելու կայուն լուծման եւ բոլորին հնարաւորութիւն տալ ապրելու խաղաղութեան ու ապահով միջավայրի մէջ»:

Ըստ Վիքթորինիի՝ Եւրոպական Միութիւնը պատրաստ է այդ հարցին մէջ աւելին ընելու, սակայն ամէն պարագայի, որոշումները պիտի տրուին երկու երկիրներուն միջեւ, որովհետեւ Եւրոպական Միութիւնը այս ոլորտին մէջ ուղղակի միջնորդ է։ Ան դիտել տուաւ, որ իրենք մնայուն կերպով հանդիպումներ պիտի ունենան կողմերուն հետ՝ հասկնալու, թէ ի՛նչ կրնան ընել, որպէսզի բանակցութիւններուն մէջ յառաջընթաց արձանագրուի։

Միացեալ Նահանգներու արտաքին գործոց նախարարութեան բանբեր Նետ Փրայս, իր կարգին մտահոգութիւն յայտնեց մամլոյ ասուլիսի մը ընթացքին յայտարարելով, թէ․- «Մենք բոլորովին կ՛աջակցինք ազատ կամքի արտայայտութեան եւ խաղաղ հաւաքներու հիմնարար իրաւունքին։ Մարդոց կոչ կ՛ուղղենք՝ իրենց կարծիքը արտայայտելու խաղաղ ձեւով։ Իշխանութիւնները կը յորդորենք զսպուածութիւն դրսեւորել, իսկ ցուցարարները՝ զերծ մնալու բռնութենէ եւ յարգելու օրէնքի գերակայութիւնը եւ Հայաստանի ժողովրդավարութիւնը»։

 

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles