ԱմերիկահայԼրահոս
ԱՐԵՒԵԼ. Ա.Մ.Ն. «ՇԻՐԱԿԵԱՆ» ԿԵԴՐ. ԿՈՄԻՏԷՆ ՊԻՏԻ ՆՇԷ Հ.Յ.Դ. 120ԱՄԵԱԿԸ
Արեւելեան Ա.Մ.Ն.ի »Շիրակեան« Կեդրոնական Կոմիտէն յատուկ հաղորդագրութեամբ մը կը տեղեկացնէ թէ Հ.Յ.Դ. 120ամեակի առթիւ, յառաջիկայ աշնան տեղի պիտի ունենան քանի մը ձեռնարկներ, որոնց կարգին յատկապէս գիտաժողով եւ դրամահաւաքճաշկերոյթ: Այս ձեռնարկները տեղի պիտի ունենան, Նոյեմբեր 20 – 21ին, Նիւ Եորք-Նիւ Ճըրզիի մէջ:
Այս առթիւ գործի լծուած է յատուկ յանձնախումբ մը, կազմուած հետեւեալ ընկերներէ. Անժէլ Մանուկեան (ատենապետուհի), Թոմ Վարդապետեան (ատենադպիր) եւ խորհրդականներ՝ Վազգէն Այվազեան, Թալին Տաղլեան, Յարութ Տաղլեան, Յարութ Ժամկոչեան եւ Զոհրապ Թազեան: Այս յանձնախումբին կը միանան Կեդր. Կոմիտէի անդամներ՝ Անդրանիկ Գասպարեան, Ճորճ Աղճայեան եւ Արի Քիլեան:
Վերոյիշեալ ձեռնարկներուն գծով, յառաջիկայ շաբաթներուն, պիտի փոխանցուին յաւելեալ մանրամասնութիւններ:
