Արեւելեան Ա.Մ.Ն.-ի Համազգայինի Շրջանային Վարչութեան «Մինաս եւ Գոհար Թէօլէօլեան» Ժամանակակից Գրականութեան Մրցանակ

0 0
Read Time:1 Minute, 19 Second

Արեւելեան Ա.Մ.Ն.-ի Համազգայինի Շրջանային Վարչութիւնը ուրախութեամբ կը յայտարարէ, որ Մինաս եւ Գոհար Թէօլէօլեանններու անուան ժամանակակից գրականութեան մրցանակի համար դիմողները կարող են ներկայացնել իրենց ստեղծագործութիւնները, չորրորդ ամենամեայ մրցոյթին: Ինչպէս միշտ, նախատեսուած է երկու մրցանակ՝ անգլերէն եւ հայերէն գրուած ստեղծագործութիւններու համար:
Համազգայինի այս մրցանակը կը կրէ հայ գրականութեան երախտաւոր, գրաքննադատ, «Հայրենիք»ի երկարամեայ խմբագիր Մինաս Թէօլէօլեանի ու իր կողակցի` հայոց լեզուի եւ գրականութեան ուսուցչուհի Գոհար Թէօլէօլեանի անունը:
Այս մրցանակը կը շնորհուի Հիւսիսային Ամերիկայի մէջ բնակող շնորհալի հեղինակներուն: Համազգայինի հիմնական նպատակն է մրցանակի միջոցով քաջալերել այն հեղինակներուն, որոնք կը գրեն հայեցի նիւթերու մասին: Իւրաքանչիւր մրցանակակիրներուն նիւթական պարգեւն է $1,500: Գրութիւնները կրնան ըլլալ գրական որեւէ հիմնական ձեւի մէջ.- բանաստեղծութիւն, պատմուածք, վէպ, նորավէպ, թատերգութիւն, ինչպէս նաեւ յուշագրութիւն, մտորումներ եւ գրական վերլուծութիւններ: Մրցոյթի մասնակիցները պէտք է ծագումով հայազգի ըլան եւ կամ ներկայացուած բովանդակութիւնը հայութեան վերաբերող նիւթ պարունակէ:
Դատական կազմի հինգ անդամներն էն.- Դոկտ. Սիմա Աբրահամեան (Մոնրէալ), Դոկտ. Վարդան Մատթէոսեան (Նիւ Ճըրզի), Գուրգէն Արզումանեան (Քալիֆորնիա), Երուանդ Քոչունեան (Քալիֆորնիա) եւ Անուշ Ագներեան (Մոնրէալ): Փրոֆ. Խաչիկ Թէօլէօլեան (Քանեթիքէթ) այս տարի իր պարտականութիւնները յանձնած է Անուշ Ագներեանին: Շրջանային Վարչութիւնը մեծապէս կը գնահատէ սոյն մրցանակի ստեղծումէն մինչեւ օրս Փրոֆ. Խաչիկ Թէօլէօլեանի կարեւոր գործնական ներդրումները: Մրցանակաբաշխումը տեղի պիտի ունենայ Հոկտեմբեր 2017-ին:
Տպագրուած նիւթերը ուղարկել մինչեւ Ապրիլի 30, 2017 tololyan_award@hamazkayin-usa.org հասցէին, PDF կամ առաքել հետեւեալ հասցէին.-
Hamazkayin Tololyan Award Committee
80 Bigelow Ave
Watertown, MA 02472
Պարտադիր է կցել մրցանակի դիմումնագիրը, որուն հայերէն եւ անգլերէն տարբերակները կարելի է գտնել համացանցի միջոցաւ.- http://bit.ly/167vSsM, ուր զետեղուած են նաեւ մրցանակաբաշխութեան կանոնները:
Այս մրցանակի նիւթական յատկացումը կատարած են Սան Ֆրանսիսքոյաբնակ Տէր եւ Տիկին Եդուարդ եւ Վերժին Մսըրլեաններ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles