ԱՐԱՄ Ա. ԿԱԹՈՂԻԿՈՍ ՏԻԹՐՈՅԹԻ ՄԷՋ

0 0
Read Time:2 Minute, 3 Second

 

 

314-1024x683411-1024x683

Չորեքշաբթի, Մայիս 20-ին, Արամ Ա. Վեհափառ Հայրապետը Նիւ Եորքէն ժամանեց Տիթրոյթ, շարունակելու Միացեալ Նահանգներու Արեւելեան Թեմի Հովուապետական այցելութիւնը: Տիթրոյիթի մէջ Նորին Սրբութիւնը պիտի մնայ չորս օր եւ շարք մը հանդիպումներ պիտի ունենայ գաղութային եւ միջ-կրօնական մակարդակներու վրայ:218-1024x683167-1024x683
Երեկոյեան Վեհափառ Հայրապետը ընկերակցութեամբ Արեւելեան Թեմի Հայոց Առաջնորդ Գերշ. Տ. Օշական Արք. Չօլոյեանի, Առաջնորդական Փոխանորդ Գերշ. Տ. Անուշաւան Եպս. Դանիէլեանի, Կաթողիկոսարանի Միջ-եկեղեցական բաժանմունքի վարիչ Գերպ. Տ. Յուսիկ Ծ. Վրդ. Մարտիրոսեանի եւ Հոգշ. Տ. Պետրոս Աբղ. Մանուէլեանի ժամանեց Տիթրոյթի Սուրբ Սարգիս եկեղեցին, ուր դիմաւորուեցաւ եկեղեցւոյ հոգեւոր հովիւ Արժ. Տ. Հրանդ Քհնյ Գէորգեանի, Ազգային Վարչութեան ատենապետ Սթիվըն Յակոբեանի, հոգաբարձութեան անդամներուն, Հ.Մ.Ը.Մ.-ի սկաուտներուն ու ժողովուրդին կողմէ եւ «Հրաշափառ»ով մուտք գործեց եկեղեցի, ուր կատարուեցաւ «Կանոնական» աղօթք: 1113-1024x683158-1024x683Ապա, Առաջնորդ Սրբազանը ժողովուրդին ըսաւ, թէ եկեղեցւոյ մուտքին Արամ Ա. Վեհափառ Հայրապետին ծաղկեպսակ մատուցող պարմանուհիին մեծ մօր մայրը, հարիւր տասներկու տարի առաջ ծաղկեպսակ մատուցած է Սահակ Կաթողիկոսին, երբ վերջինս Այնթապ կ’այցելէր առաջին անգամ ըլլալով, եւ այս դէպքը նկատեց գեղեցիկ վկայութիւն մը մեր ժողովուրդի վերապրումը խորհրդանշող: Ապա, հրաւիրեց Նորին Սրբութիւնը փոխանցելու իր պատգամը: Վեհափառ Հայրապետը ողջունելէ ետք Առաջնորդ Սրբազանը, Առաջնորդական Փոխանորդը, Ազգային Վարչութիւնը, եկեղեցւոյ Հոգեւոր Հովիւը, հոգաբարձութիւնն ու յարակից մարմինները, որոնք նուիրումով կը ծառայեն մեր եկեղեցւոյ՝ մէջբերեց Քրիստոսի խօսքը, թէ ան որ իմ ետեւես կ’ուզէ գալ, պէտք է իր անձը ուրանայ խաչը առնէ եւ ետեւես գայ (Ղկ 9:23): 138-1024x6831210-1024x683«Քրիստոսի ետեւէն քալել կը նշանակէ ծառայել նուիրումով ու սիրով. եւ այս է որ մենք մեր եկեղեցւոյ ճամբով կը փորձենք կատարել մեր ժողովուրդի կեանքէն ներս: Հետեւաբար մեր ժողովուրդի բոլոր զաւակները պէտք է բոլորուին եկեղեցւոյ շուրջ ամրապնդելու իրենց հաւատքը եւ իրենց ծառայութիւնը մատուցելու Աստուծոյ ու մեր եկեղեցւոյ» ըսաւ Արամ Ա.:
Պատգամի աւարտին, բոլոր ներկաները աջահամբոյրով ստացան իրենց Հովուապետին օրհնութիւնը: 511-1024x683610-1024x683Նշենք, որ արարողութեան նաեւ ներկայ էին Հայ Կաթոլիկ եւ Հայ Աւետարանական համայնքներու հոգեւոր հովիւները ինչպէս նաեւ օտար քրիստոնեայ թէ իսլամ կրօնաւորներ: Արարողութենէն ետք, Տիթրոյթի համայնքի զաւակները սիրոյ սեղան մը սարքած էին ի պատիւ Վեհափառ Հայրապետին: Ընթրիքի ընթացքին ներկայացուեցաւ գեղարուեստական յայտագիր մը, որուն իրենց մասնակցութիւնը բերին կիրակնօրեայ եւ միօրեայ դպրոցներու աշակերտները, Համազգայինի պարախումբը, Հ.Մ.Ը.Մ.-ի սկաուտները:108-1024x683176-1024x683
Քաղաքի ոստիկանապետը, որ ներկայ էր ընթրիքին, խօսք առաւ եւ շնորհակալութիւն յայտնեց Նորին Սրբութեան այցելութեան համար եւ գնահատեց հայ համայնքն ու Սուրբ Սարգիս եկեղեցւոյ համալիրէն ներս, ապագայի առողջ սերունդներու դաստիարակութեան համար տարուող դրական աշխատանքը եւ յանուն շրջանի ոստիկանութեան յուշանուէր մը յանձնեց: Սուրբ Սարգիս եկեղեցւոյ համայնքը եւս, Հայոց Ցեղասպանութիւնը եւ հայ ժողովուրդի վերընձիւղումը խորհրդանշող արուեստի գործ մը յանձնեց: Ընթրիքի ընթացքին զանազան հարցումներ հարցուեցան, որոնց լուսաբանիչ պատասխաններ տուաւ Արամ Ա.: Երեկոն փակուեցաւ Վեհափառ Հայրապետին «Պահպանիչ»ով եւ «Կիլիկիա» մաղթերգով:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles