ԱՍԹԱՆԱՅԻ ՄԷՋ ՆԱԽԱԳԱՀ ՍԱՐԳՍԵԱՆ ԱՐԾԱՐԾԵՑ ԱՐՑԱԽԻ ՀԻՄՆԱՀԱՐՑԸ

0 0
Read Time:1 Minute, 35 Second

astana

ԱՍԹԱՆԱ.- Մայիս 31-ին, տեղի ունեցաւ Եւրասիական տնտեսական բարձրագոյն խորհուրդի նիստը, որուն մասնակցեցաւ Հ.Հ. նախագահ Սերժ Սարգսեան:
Իր խօսքին մէջ, նախագահը նշեց թէ, որ Հայաստան մտադիր է հետեւողական կերպով աշխատիլ` իր պայմանաւորուածութիւններու իրականացման ուղղութեամբ եւ շարունակել փնտռել խաղաղ լուծում, որ ամէն բանէ առաջ հիմնուած պիտի ըլլայ Արցախի ժողովուրդին` սեփական ճակատագիրը տնօրինելու եւ ինքնորոշուելու իրաւունքին վրայ:
«Համարկումի միաւորումները յաջող ընթացքի մէջ են եւ կը զարգանան անվտանգ միջավայրի մը մէջ: Անվտանգութիւնը մեր պետութիւններուն տնտեսական զարգացման եւ բարգաւաճման առանցքային հիմքն է: Ես չափազանց կարեւոր կը նկատեմ այն փաստը, որ Եւրասիական տնտեսական միութիւնը ձեւաւորած երկիրները միաժամանակ կը հանդիսանան անդամներ Հասարակաց Անկախ Պետութիւններու Կազմակերպութեան, որուն հիմնական նպատակը մեր տարածքին մէջ համապարփակ անվտանգութեան ապահովումն է: Ապրիլի սկիզբը Արցախի հետ շփման գիծին մէջ եւ Հայաստանի հետ սահմանին վրայ Ատրպէյճանի կողմէ իրադրութեան լարումը Եւրասիական տնտեսական միութեան շրջանի անվտանգութեան համար լուրջ մարտահրաւէր դարձաւ: Վտանգը ակնյայտ է` կա՛մ Եւրասիական տնտեսական միութեան տարածքը մեր միջազգային գործընկերներուն կողմէ կը դիտուի իբրեւ տնտեսական զարգացման, կայունութեան եւ անվտանգութեան գօտի, ուր կարելի է ներդրումներ կատարել, ուր կարելի է երկարաժամկէտ ծրագիրներու նախաձեռնել, կա՛մ բոլորը կ՛ընտելանան այս բարդ իրավիճակին եւ կ՛առաջնորդուին այն հանգամանքով, որ շրջանը լարուածութեան եւ երկպառակտումի մնայուն օճախ է: Չեմ կարծեր, որ երկրորդը կը բխի մեր երկիրներու շահերէն: Վստահաբար, Արցախի ինքնապաշտպանական ուժերը արագ վերականգնեցին իրավիճակը` իրենց վերահսկողութեան տակ առնելով զայն: Այստեղ կարեւոր դեր խաղաց Ռուսաստան, որուն Ատրպէյճանը դիմած էր զինադադարի դրութեան վերահաստատման խնդրանքով: Վիեննայի մէջ Ե.Ա.Հ.Կ.-ի Մինսքի խմբակի միջնորդութեամբ տեղի ունեցաւ հանդիպում, որուն ընթացքին պայմանաւորուածութիւններ ձեռք բերուեցան վստահութեան ամրապնդման քայլեր` շփման գիծին մէջ մշտադիտարկման եւ դէպքերու հետաքննութեան մեքանիզմի հաստատման ուղղութեամբ: Հայաստան մտադիր է հետեւողականօրէն աշխատելու այս պայմանաւորուածութիւններու իրականացման ուղղութեամբ եւ շարունակել փնտռել խաղաղ լուծում, որ ամէն բանէ առաջ հիմնուած ըլլայ Արցախի ժողովուրդին` սեփական ճակատագիրը տնօրինելու եւ ինքնորոշուելու իրաւունքին վրայ: Հայաստանը համաձայն է Մինսքի խմբակի համանախագահներուն հետ, որ այդ սկզբունքը, ինչպէս նաեւ ուժի կամ անոր սպառնալիքի չկիրարկելու սկզբունքները, եւ տարածքային ամբողջականութեան սկզբունքը կը հանդիսանան ղարաբաղեան տագնապի խաղաղ լուծման հիմք», յայտնեց նախագահ Սարգսեան:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles