ԱՌԱՋԱՐԿՆԵՐ ՔՈՆԿՐԷՍԻՆ՝ ԱՐՑԱԽԻ ԵՒ ՀԱՅԱՍՏԱՆԻ ԿԱՏԱՐՈՒԵԼԻՔ ՕԺԱՆԴԱԿՈՒԹԻՒՆՆԵՐՈՒՆ ՀԱՄԱՐ

0 0
Read Time:56 Second

p2-3 anc

ՈՒԱՇԻՆԿԹԸՆ.- Ա.Մ.Ն. Հայ Դատի յանձնախումբի իրաւական հարցերու պատասխանատու Րաֆֆի Գարագաշեան, Քոնկրէսի Հայկական հարցերու խումբի ներկայացուցիչներուն, ինչպէս նաեւ շարք մը այլ քոնկրէսականներու եւ ծերակուտականներու ներկայացուցած է 2017-ին Միացեալ Նահանգներու կողմէն տրամադրուող արտաքին օգնութեան ծիրին մէջ ամերիկահայ համայնքի առաջնահերթութիւնները: Քննարկման ընթացքին ներկայացուած են 7 հիմնական առաջարկներ:
Կ՝առաջարկուի միջազգային զարգացման համար Միացեալ Նահանգներու կողմէն յատկացուող գումարներէն հինգ միլիոն տոլար տրամադրել Արցախին՝ Ստեփանակերտի մէջ պարոնուհի Քոքսի անուան վերականգնողական կեդրոնի զարգացման համար: Կ՝առաջարկուի նաեւ լիովին կասեցնել Պաքուին տրամադրուող ցանկացած ռազմական օգնութիւն մինչեւ Ատրպէյճանը սահմանագիծէն չնահանջէ իր ծանր հրետանիով: Երրորդ առաջարկն է քառասուն միլիոն տոլար տնտեսական օժանդակութիւն տրամադրել Հայաստանին, մասնաւորապէս նպատակաուղղուած երկու երկիրներու միջեւ առեւտուրի եւ ներդրումային ոլորտներու զարգացման:

Նաեւ, կ՝առաջարկուի տրամադրել յաւելեալ տաս միլիոն տոլար Հայաստանի մէջ սուրիահայերու խնդիրներու լուծման նպատակով: Առաջարկներէն մէկն ալ կ՝առնչուի Վրաստանին տրամադրուող օժանդակութեան, որուն մէջ յատկապէս կը նշուի Սամցխէ Ջաւախքի մէջ աշխատատեղերու ստեղծման նպատակով այդ օգնութեան տաս տոկոսի տրամադրման անհրաժեշտութիւնը: Վերջին երկու առաջարկներն ալ հետեւեալն են` խստացնել 1992-ի Ազատութեան աջակցման օրէնքի 907 մասը, որ կ՝առնչուի Ա.Մ.Ն.-ի կողմէն Ատրպէյճանին տրամադրուող օգնութեան արգելքին եւ, ի վերջոյ, վերջ դնել Արցախիհակամարտութեան կարգաւորման բանակցային գործընթացէն Արցախի ժողովուրդի եւ իշխանութիւններու մեկուսացման:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles