Հայաստանի կրթութեան եւ գիտութեան նախարար Լեւոն Մկրտչեան զրոյցի մը ընթացքին հաստատած է, որ Ապրիլեան քառօրեայ պատերազմին մասնակից բոլոր ուսանողները կրնան օգտուիլ կրթաթոշակի զեղչերէն` աւելցնելով, որ անոնց համար պիտի ճշդուի առաւելագոյն չափով զեղչ:

«Զեղչը պիտի կիրարկուի այնպէս, որ Ապրիլեան պատերազմին մասնակցած եւ զօրացրուած ուսանողները գոհ ըլլան: Այսպէս` բանակէն զօրացրուած այն ուսանողները, որոնց զինուորական գրքոյկին մէջ կայ ապրիլեան պատերազմին մասնակցութեան գրառում, անոնք կը ստանան ուսման վարձքի զեղչ», յայտնեց նախարար Մկրտիչեան: