ԱՆՀԻՄՆ ՍՊԱՌՆԱԼԻՔ ՍՈՒՐԻԱՀԱՅՈՒԹԵԱՆ

0 0
Read Time:1 Minute, 38 Second

 Յատկապէս արաբական  գարնան Սուրիական հանգրուանին, բազմիցս նշուեցաւ թէ քարոզչական մեքենան, յանձին համացանցային անսանձ ընթացքին, կը մնայ մեծագոյն տուժողը, նոյնիսկ պայքարող երկու կողմերէն շատ աւելի:

Հետզհետէ հետեւող մասսան սկսած է եզրակացնել, թէ սփռուած լուրն ու տեղեկութիւնը այդչափ ալ վստահելի չեն եւ պէտք է դիմել բրիտանական հին ոճին` “սպասել եւ ապա տեսնելկամ այս պարագային տեղեկանալ:

Բախումները հայահոծ շրջաններուն մօտ ըլլալով, բնականաբար այս իրավիճակը նաեւ բախած է սուրիահայութեան դռները: Եւ ահաւասիկ, քանի մը օրէ ի վեր լուրեր կը շրջագային թէ Սուրիոյ ընդդիմադիր ճակատի յեղափոխութեան գերագոյն խորհուրդը լոյս ընծայած է յայտարարութիւն մը, որուն մէջ կը սպառնայ տեղւոյն հայ գաղութին, այն պատճառով որ ընդհանրապէս Սուրիոյ բոլոր գաղութներէն ներս, հայորդիները կը գործակցին ներկայ ղեկավարութեան հետ:

Այս լուրը տարածողին համար, յստակ է թէ ի՞նչ է միտք բանին եւ կամ թէ ինչպէ՞ս կարելի է պղտոր ջուրին մէջ ձուկ որսալ, յաւելեալ անորոշութիւն եւ իրարանցում ստեղծելու: Մանաւանդ որ սպառնացող կողմին նեցուկ կանգնող կարեւորագոյն ուժն ու երկիրը` Թուրքիան է, որուն համար վստահաբար շատ աւելի փափուկ հարց մըն է Սուրիոյ յատակապէս քրիստոնեայ փոքրամասնութիւններուն եւ յատկապէս հայութեան հետ շփում ունենալը:

Թէեւ ընդդիմադիր ճակատին կողմէ շուտով հաղորդագրութեան մը հրապարակումը` թէ հայ համայնքին ուղղուած սպառնալիք բովանդակող պաշտօնական յայտարարութիւն գոյութիւն չունի, բաւական մը հանդարտեցուց պրկուած ջիղերը, սակայն դժբախտաբար ստեղծուած վլվլուքն ու իրարանցումը կարելի չեղաւ ամբողջութեամբ վերացնել, նկատի ունենալով թէ կացութիւնը այս պարագային արաբական գարուն չէ, ոչ ալ աշունայլ սաստիկ փոթորիկ եւ առաջին կարգի մրրիկ:

Նմանօրինակ սին եւ սնոտին յայտարարութիւններու դիմաց, յատկապէս նկատի ունենալով Միջին Արեւելեան շրջանի գաղութներու կենսունակ ու կազմակերպ պահպանման առաջնահերթութիւնը, շատ աւելի շտապօրէն կ՛ամրապնդուի Սուրիոյ հայութեան գործնապէս նեցուկ կանգնելու հրամայականը:

Դեռ տասնեակ մը տարիներ առաջ, գրեթէ միեւնոյն կացութիւնը կը տիրէր Լիբանանի մէջ, ուր տեղւոյն գաղութը, դաժան ու ահաւոր պատերազմի օրերուն մնաց միակամ եւ կանգուն:

Ենթադրութիւններու վրայ հիմնուած վերլուծումներն ու վերագրումները  սխալ տպաւորութիւններ յառաջացուցած են Սուրիոյ հայ համայնքին նկատմամբ եւ քարոզչական ներկայ համաշխարհայնացած մեքենան, իր ամէնայնազատամտութեամբեւ միջակութեամբ կրնայ ահաւոր աղէտներ գործել:

Սակայն այս անհիմն սպառնալիքին կը գերազանցէ հիմնական սպառնալիքը` Սուրիահայութեան համար կատարուող հանգանակութիւնը, որ այս օրերուն կը մնայ անմիջական անհրաժեշտութիւն մը:

 ՀԱՅՐԵՆԻՔ

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Հ.Օ.Մ.-Ը ՀԱՐԻՒՐ ՀԱԶԱՐ ԱՄԵՐԻԿԵԱՆ ՏՈԼԱՐ ԿԸ ՅԱՏԿԱՑՆԷ “ՍՈՒՐԻԱՀԱՅ ՎԱՐԺԱՐԱՆՆԵՐՈՒ ՕԺԱՆԴԱԿՈՒԹԵԱՆ ՖՈՆՏ“ԻՆ
Next post ՀԱՅ ԶՈ­ՀԵՐ` ՍՈՒՐ­ԻՈՅ ԲԱ­ԽՈՒՄ­ՆԵ­ՐՈՒՆ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles