«ԱՆԵԼԻՔ ՈՒՆԻՆՔ…»

0 0
Read Time:1 Minute, 45 Second

p1 khemp president sargsyan constitution2ՀԱՅՐԵՆԻՔ

Խմբագրական

Փետրուար 15, 2016
Խօսքը գործի վերածելու հրամայականի ժամը հնչած է:
Անկիւնադարձային եւ վճռական ժամանակաշրջան մը սկսաւ հայրենի ներքաղաքական կեանքէն ներս: Յատկապէս Հ.Յ.Դաշնակցութեան համար, որ տասնեակ տարիներէ ի վեր, իբրեւ ընդդիմադիր կուսակցութիւն, պայքարած էր յաչս սահմանադրական փոփոխութիւններու:
Այսպէս, Հ. Հ. նախագահ Սերժ Սարգսեան, անցեալ շաբաթավերջին, իր նստավայրին մէջ, տարածքային կառավարման եւ տեղական ինքնակառավարման մարմիններու ղեկավար կազմի ներկայացուցիչներու եւ օրէնսդիր, գործադիր եւ դատական իշխանութիւններու ներկայութեամբ բեմահարթակ բարձրացաւ եւ բաւական մը մանրամասնութեամբ անդրադարձաւ սահմանադրութեան փոփոխութիւններու մասին «աւետելով» այս գործընթացին կանաչ լոյսը:
Մանրամասնօրէն, հետեւելով նախագահ Սարգսեանի խօսքերուն, յստակ է թէ անսահման գործ կայ իրագործելիք: Մաքրագործման աշխատանքին գծով, փոփոխութիւններու եւ բարեկարգումներու կարիք կայ: Հոս է որ, Հ.Յ.Դաշնակցութիւնը, որ օրին «Այո՛» քուէարկեց, աշխատանք ունի կատարելիք:
Դիւրին չէ «քոալիցիա» մուտք գործելն ու ձեռնածաւալ մնալը:
Պատմութիւնը ինքզինք կը կրկնէ: Տարբեր պրիսմակով, տարբեր ակնոցով…: Պարզ զուգադիպութեամբ մը, այս օրերուն կը պատրաստուի լայնածաւալ «Հ. Յ. Դաշնակցութիւնը անելիք ունի՞, թէ՞ չունի» հատորը, որ կը ներկայացնէ գրեթէ դար մը առաջ դաշնակցական ղեկավարներու գործերը: Կարճ փակագիծով մը, այս գործերը, իրենց վերլուծումներով կը համապարփակեն Սիմոն Վրացեանի, Ռուբէն Դարբինեանի, Արշակ Ջամալեանի եւ Վահան Նաւասարդեանի պատասխանները՝ Յովհաննէս Քաջազնունիի «Հ. Յ. Դաշնակցութիւնն Անելիք Չունի Այլեւս» հիասթափութիւն, յուսախաբութիւն եւ յուսահատութիւն սրսկող գործին:
Այսպէս, պատմութիւնը դար մը ետք ինքզինք կը կրկնէ, բոլորովին տարբեր պայմաններու տակ:
Գոյութիւն չունի համայնավարական կառոյց, այլ այդ կառոյցէն դուրս եկած անկախ հանրապետութիւն մը, որ եօթանասուն տարուայ կալանաւորման վրայ հիմնուած է եւ կը կարօտի ամբողջական վերակառուցման:
Այս գծով, Վրացեանական «Խարխափումներ»էն դուրս գալով…«Անելիք ունի Հ.Յ. Դաշնակցութիւնը, անելի՛ք ունինք»:
Իսկ եթէ, այդ նկարագրուած ու սպասուած թափանցիկութիւնը, ժողովրդավարական կանոններու հաստատումն ու զեղծարարութեան դէմ պայքարը…
Եթէ Արդարադատութեան համակարգը զերծ չմնայ կաշառքէ եւ ճնշումներէ…
Եթէ Մարդկանց իրաւունքները իսկապէս արդար ու ամուր արժէք ու համակարգ չստանան…
Եթէ խորհրդարանական դրութեան հաստատումն ու ըստ այնմ կիարկումը անգամ մը եւս խախտուի…
Եթէ կեանքի կոչուած յետ-սահմանադրական ընտրութիւնները չըլլան օրինակելի եւ չվայելեն հայրենիքի միջազգային վարկն ու հեղինակութիւնը…
Եթէ տնտեսական եւ ընկերային պայմանները մնան անփոփոխ շարունակ դուռ բանալով արտագաղթին…
Եւ եթէ խորհրդարանական կառոյցով, պարզապէս պաշտօններու փոփոխութիւններ պիտի կատարուին՝ վարչապետ փոխան նախագահի, սակայն անձերն ու ենթակառոյցները պիտի մնան անփոփոխ…
Այդ ժամանակ ալ, «Անելիք ունի Հ.Յ. Դաշնակցութիւնը» եւ շատ աւելի…անգամ մը եւս ընդդիմանալով եւ սահմանադրութեան արդար կիրարկում պահանջելով:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles