«Անդրանիկ եւ Ալիս Գարճեան – Հայրենիք Մետիա»՝ Առ Ի Յարգանք Անոնց Յիշատակին

0 0
Read Time:2 Minute, 16 Second

ՈՒԱԹԸՐԹԱՈՒՆ (Մասաչուսէց).- «Հայրենիք» հաստատութիւնը հպարտութեամբ կը յայտարարէ «Անդրանիկ եւ Ալիս Գարճեան -Հայրենիք Մետիա» կեդրոնի անուանակոչութիւնը՝ ոգեկոչելու յիշատակը եւ յարգանքի տուրք մատուցելու ժառանգութեան երկու մեծանուն հպարտ հայերու, որոնք իրենց ընտանիքներուն սիւներն էին եւ իրենց սրտին մէջ կը կրէին Տիգրանակերտի եւ Մարաշի յիշողութիւնը։

«Ես մեծապէս ոգեւորուած եմ, որ նոր, ժամանակակից Հայրենիք Մետիա կեդրոնը պիտի կրէ Անդրանիկ եւ Ալիս Գարճեաններուն անունը: ՀԱՅՐԵՆԻՔ- ի նկատմամբ անոնց յանձնառութիւնը իսկապէս ոգեշնչող է», յայտնեց Հայ Յեղափոխական Դաշնակցութեան Արեւելեան շրջանի Կեդրոնական կոմիտէի ներկայացուցիչ Ճորճ Աղճայեան։ «Մենք ՀԱՅՐԵՆԻՔ- ի մէջ մեծապէս կ՛արժեւորենք այն նուիրական վստահութիւնը, զոր Գարճեանները եւ ուրիշներ ունին մեզի նկատմամբ՝ բարձրագոյն չափանիշերով յարատեւելու մեր 120-ամեայ աւանդութեան մէջ եւ շարունակելու հասնիլ ու ոգեւորել նոր սերունդի ընթերցողները, ունկնդիրներն ու ակնդիրները։ Մենք թէ՛ կը խոնարհինք, եւ թէ՛յարգուած կը զգանք անոնց առատաձեռնութեամբ եւ տեսլականով»:

Ամերիկայի Հայկական Մշակութային Միութեան «Անդրանիկ եւ Ալիս Գարճեան Հայրենիք Մետիա» կեդրոնը շինարարութեան վերջին փուլին մէջ է, անիկա կը գտնուի պատմութիւն կերտած «Հայրենիք» շէնքի չորրորդ յարկին վրայ։ Ամբողջական կերպով կահաւորուած կառավարման սենեակին եւ սթիւտիոյին նպատակը պիտի ըլլայ ստեղծել հետեւողական ու գրաւիչ լսատեսողական բովանդակութիւն եւ առաւել եւս բարձրացնել հայկական սփիւռքի ձայնը՝ տեսողական նիւթերու միջոցով:

Ալիս Մուրատեան եւ Անդրանիկ Գարճեանները առաջին սերունդի հայեր են, որոնք ծնած են 1915-1923 թուականներուն՝ Հայոց Ցեղասպանութենէն վերապրածներէ։ Անոնց ծնողները ծնած են Տիգրանակերտի եւ Մարաշի մէջ։

Անդրանիկ եւ Ալիս հասակ առած են իրենց ծնողներուն հետ, որոնք կը կրէին իրենց ընտանիքի անդամներուն կորուստի ցաւն ու Ցեղասպանութեան սարսափները, որոնց ականատես եղած են Սուրիոյ անապատներէն անցած կարաւաններուն մէջ՝ տարագրութեան ընթացքին։  Տարիներու ընթացքին Մուրատեան եւ Գարճեան վերապրածները Սուրիայէն գաղթած են Իրաք, ուր ծնած եւ մեծցած են Ալիսն ու Անդրանիկը։ Անոնք կը յաճախէին հայկական վարժարաններ, մեծ սէր ունէին հայոց լեզուին, գրականութեան եւ պատմութեան նկատմամբ։

Անդրանիկ եւ Ալիս ծանօթացած ու ամուսնացած են Իրաքի մէջ։ Անոնք կազմած են աւանդական հայկական ընտանիք եւ ունեցած չորս դուստրեր։ 1980 թուականին գաղթած են Միացեալ Նահանգներ, ուր ապրած են Նիւ Ճըրզի նահանգի Ռիճֆիլտ քաղաքին մէջ եւ դարձած են հայ առաքելական Սուրբ Վարդանանց եկեղեցւոյ համայնքի կարկառուն դէմքերէն։ Գարճեանները աջակցած են եկեղեցւոյ կողքին գործող բազմաթիւ կազմակերպութիւններու։ Ալիսը Հ.Օ.Մ.-ի «Շաքէ» մասնաճիւղի գործօն անդամ էր, իսկ Անդրանիկ՝ Տարեցներու ակումբին։

1981-էն ի վեր Գարճեանները «Հայրենիք»-ի եւ «Արմինիըն Ուիքլի»-ի երկարամեայ բաժանորդներ էին ու թերթը կ՛ընթերցէին ծայրէ ծայր: Երբ «Հայրենիք»-ը օրաթերթ էր, անհամբեր կը սպասէին անոր հասնելուն եւ ուշացումներու պարագային կը հեռաձայնէին խմբագրատուն։ Անոնք կը պահէին թերթի գրեթէ իւրաքանչիւր թիւ՝ կա՛մ յօդուածի մը քաղաքական վերլուծումներուն, կամ գրական գործի ու բանաստեղծութեան արժէքին համար, նաեւ իրենց ընկերներուն եւ ընտանիքի անդամներուն հետ քննարկումներ կը կատարէին իրենց սիրելի «Հայրենիք»-ի մէջ կարդացած նիւթերուն եւ անոնց կարեւորութեան մասին։

Հայոց լեզուին եւ հայ մշակոյթին նկատմամբ սէրը ակնյայտօրէն կ՛երեւէր անոնց կենցաղին ընդմէջէն, տարբեր ձեւով լեզուն իրենց դուստրերուն եւ թոռներուն սորվեցնելու իրականութենէն։  Այսպիսով անոնք մեզի կտակեցին պահպանել մեր լեզուն, ժառանգութիւնն ու մշակոյթը։

Անդրանիկ մահացած է Յունիս 2014-ին, իսկ Ալիս՝ Ապրիլ 2021-ին։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Համաթուրքականութեան – Համաթուրանականութեան Գաղափարախօսութիւնը Սերմանող Թուրք Ղեկավարներու Եւ Գործիչներու Վարքագիծը
Next post Ցեղասպանութեան 107-ամեակը Երուսաղէմի Մէջ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles