ԱՅՑԵԼՈՒԹԻՒՆ ՆԻՒ ՃԸՐԶԻԻ ՍՈՒՐԲ ՎԱՐԴԱՆԱՆՑ ԵԿԵՂԵՑԻ

0 0
Read Time:52 Second

ՆԻՒ ճըրզի․- Կիրակի, Դեկտեմբեր 19-ին, Ա․Մ․Ն․ Արեւելեան Թեմի բարեջան Առաջնորդ՝ Անուշաւան Արքեպիսկոպոս Դանիէլեան ներկայ եղաւ Սուրբ Պատարագին եւ քարոզեց Ռիճֆիլտի Սրբոց Վարդանանց եկեղեցւոյ մէջ։ Յաւարտ Սուրբ Պատարագին, եկեղեցւոյ սրահին մէջ տեղի ունեցաւ «Նարեկ» շաբաթօրեայ վարժարանի Ամանորի եւ Սուրբ Ծննդեան տօներու հանդէս-ճաշկերոյթ, աւելի քան հարիւր ծնողներու ներկայութեամբ։ Աշակերտները թատերական փոքրիկ ելոյթէ, արտասանութիւններէ ու երգերէ ետք դիմաւորեցին Կաղանդ Պապան, որ շալակին ծանր տոպրակով իր կարելին ըրած էր Մասիս սարէն հասնելով  աշակերտները ողջունելու եւ անոնց պարգեւներ բաշխելու, որոնք տրամադրուած էին ի յիշատակ դպրոցին նախկին տնօրէնուհի՝ տիկ. Քնար Աբգարեանին, իր ազնուասիրտ դստեր՝ Թալին Աբգարեան-Քոչայեանի կողմէ։

Բարեջան Առաջնորդ՝ Անուշաւան Արքեպիսկոպոս Դանիէլեան կը ստանայ Նարեկ վարժարանի աշակերտներու նուիրատուութիւնը ի նպաստ լիբանանահայ դպրոցներու եւ աշակերտներու

Սրբազան Հայրը բարձրօրէն գնահատեց հոգեւոր հովիւ՝ Գերպ. Տ. Սահակ Ծ. Վրդապետ Եմիշեանի եւ հոգաբարձութեան, խնամակալութեան եւ Հայ Օգնութեան Միութեան տեղւոյն մասնաճիւղերու գործակցութեամբ առաջնորդուող դպրոցի տեսչութիւնը, ուսուցչական կազմը, աշակերտութիւնն ու ծնողները։ Յատկապէս մատնանշեց, որ կարճ ժամանակամիջոցի ընթացքին պատրաստուած այս հանդէսը ներկայ դաժան պայմաններուն, բոլորին կեանքին մէջ ուրախութեան եւ դրական ոգիի կայծ մը յառաջացուց։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles