Ամերիկայի Հայ Աւետարանչական Ընկերակցութիւնը Կը Ձգտի Ստեղծել Խաղաղ Ովասիս մը…

0 0
Read Time:1 Minute, 36 Second

nj2

ՀԱԼԷՊ.- Ուրբաթ, Դեկտեմբեր  25-ին, Հայ Աւետարանական Բեթէլ Եկեղեցիի շրջափակէն ներս կը տիրէր ուրախ եւ խանդավառ մթնոլորտ մը: Հալէպի Հայ Աւետարանական եկեղեցիներու ընտանիքները հաւաքուած էին Եկեղեցիի «Փօլատեան» Սրահին մէջ, միասնաբար ունենալու Ամանորի հաւաքոյթ մը: Յայտագրի ընթացքին Համայնքապետ Վերապատուելի Յարութիւն Սելիմեան ողջունեց ներկաները եւ ապա իր բարեմաղթութիւնները կատարեց Ամանորի եւ Ս. Ծննդեան Տօներուն առթիւ։ «Նոր Տարին մեզի կը խոստանայ նոր յոյս։ Յոյս՝ թէ ինչ որ բան պիտի փոխուի դէպի լաւին։ Մինչ Հին Տարին կը հասնի իր վախճանին եւ Նոր Տարին կը բացուի մեր դիմաց, մենք կը լեցուինք նոր յոյսով եւ խոստումներով, որ աւելի լաւ եւ գեղեցիկ բան մը պիտի գայ» ըսաւ Վերապատուելին։

Հաւաքոյթի աւարտին Կաղանդ Պապուկը իր այցելութեամբ խանդավառեց մթնոլորտը եւ Ամերիկայի Հայ Աւետարանչական Ընկերակցութեան  նիւթաբարոյական աջակցութեամբ ներկաներուն բաժնեց գեղեցիկ ձմեռնային գիշերանոցներ:

nj3
Տիկ. Սոնա Քէօշկէրեան, Հայ Աւետարանական Եկեղեցիներու Ընկերային Ծառայութեան Յանձնախումբի անունով, շնորհակալութիւն յայտնեց Վերապատուելի Համայնքապետին, որ անցնող չորս տարիներու ընթացքին պատերազմի այս տագնապալից օրերուն միշտ նեցուկ կանգնած է Սուրիոյ Հայ Համայնքի զաւակներուն:

Յաջորդ օրը, Վեր. Սելիմեան ընկերակցութեամբ՝ Պատուելի Սիմոն Տէր Սահակեանի, եւ եկեղեցիի կարգ մը անդամներուն այցելեց Հայ Ծերանոցը: Վեր. Համայնքապետը հանդիպեցաւ ծերունիներուն հետ եւ զանոնք խրախուսելով ու քաջալերելով մաղթեց խաղաղ եւ առողջ կեանք: Այս առթիւ դարձեալ Ամերիկայի Հայ Աւետարանչական Ընկերակցութեան  նիւթական աջակցութեամբ ան բաշխեց նպատակայարմար նուէրներ բոլորին:

Միեւնոյն օրը, Վերապատուելին՝ ընկերակցութեամբ եկեղեցիի կարգ մը անդամներուն այցելեց Հայ պատսպարեալները եւ Սուրիոյ պատերազմին նահատակուողներու զաւակները Նոր Գիւղի Ազգային Պատսպարանէն ներս: Այցելութեան ընթացքին Վերապատուելի Համայնքապետը գնահատանքով անդրադարձաւ Ազգային Պատսպարանի խնամակալ Մարմինին նուիրակամ ու սիրայօժար ծառայութեան եւ ապա բաշխեց նուէրներ բոլոր պատսպարեալներուն:nj1

Ամերիկայի Հայ Աւետարանչական Ընկերակցութիւնը հիմնադրուած է 1918-ին, որպէս Քրիստոնէական կազմակերպութիւն, իր ծառայութիւնները մատուցանելու բոլոր անոնց որոնք օգնութեան կարիքը ունին՝ առանց խտրութեան։ Ամերիկայի Հայ Աւետարանչական Ընկերակցութիւնը իր այս համաշխարհային առաքելութիւնը կ’իրականացնէ պահպանելով շարք մը կրթական, աւետարանչական եւ ընկերային ծառայութիւններ հայրենիքի եւ արտերկրի քսանչորս տարբեր երկիրներու մէջ։ Լրացուցիչ տեղեկութիւններու համար կրնաք այցելել Ամերիկայի Հայ Աւետարանչական Ընկերակցութեան  կայքէջը www.amaa.org, կամ ուղղակի կապ հաստատել կեդրոնին հետ – 31 West Century Road, Paramus, NJ 07652, հեռ. 201.265.2607, ի-մէյլ – info@amaa.org.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՏԱՐՈՒԱՆ ՄԱՐԴԸ
Next post        Հայկական Սուրբ Ծնունդ Եւ Ուրիշ Բաներ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles