ԱՄԵՐԻԿԱՀԱՅ ՄՇԱԿՈՒԹԱՅԻՆ ՄԻՈՒԹԵԱՆ 18-ՐԴ ՆԱՒԱՊՏՈՅՏԸ

0 0
Read Time:2 Minute, 31 Second

4ufg

 

Ստորեւ քաղուածաբար եւ թարգմանաբար լոյս կþընծայենք Տոքթ. Արա Երէցեանի լրագրական յօդուածը՝ Ամերիկահայ Մշակութային Միութեան կազմակերպած 18-րդ նաւապտոյտին մասին.-

Յունուար 17-էն 24-ին տեղի ունեցաւ Ամերիկահայ Մշակութային Միութեան 18-րդ տարեկան նաւապտոյտը, մասնակցութեամբ հազար հայրենակիցներու, որոնք եկած էին Միացեալ Նահանգներէն, Գանատայէն եւ այլ երկիրներէ:

5c5d5a4yyՄէկ շաբաթ շարունակ հաճելի մթնոլորտի մէջ կատարուեցաւ այս յիշատակելի պտոյտը: MSC Divina զբօսանաւէն ներս, ամէն բան լաւապէս կազմակերպուած էր, հրամցուած ճաշերէն մինչեւ ամենօրեայ ձեռնարկներու շարքը: Ծովը հանդարտ էր, օդն ալ բացառիկ: Այցելեցինք Ֆալմըթ (Ճամայքա), Ճորճթաուն (Քէյման Այլընտ), Քոսումէլ (Մեքսիքօ), Գրէյթ Սթիրըփ Քէյ (Պահամաս), ուր անմոռանալի ժամեր անցուցինք:

Օրը կը սկսէր հայերէնով ծրագիրներու յայտարարութեամբ հակառակ անոր որ առաջին իսկ վայրկեանին իւրաքանչիւր սենեակի մէջ դրուած էին գրքոյկներ, ուր նշուած էին շաբաթուան մեր ծրագիրները: Սովորականին նման կային նարտի եւ պլոթ թղթախաղի մրցանքներ: Մեծն Բրիտանիայէն ժամանած էր համով կատակներ ներկայացնող Քեւ Օրքեան:
5h
Դժբախտաբար այս տարի որեւէ պարախումբ չէր ներկայացած: Բացակայութիւն
5i (2)մը որ ստեղծած էր պարապութիւն մը:

Լողաւազանի շուրջ կայացաւ հայկական փառատօն` երաժշտութեամբ, պարով եւ հայկական ուտելիքներու սպասարկութեամբ: Մրցանակի տրուեցան եռագոյնով կարուած ամէնէն գեղեցիկ, ինքնատիպ տարազին ու լաւագոյն տարազներուն:

Մասնակցողները անհամբեր կը սպասէին վայելելու բնութեան հրաշալիքները, նաւին կողմէ ու մանաւանդ մատուցուելիք բազմաթիւ ու բազմապիսի ծրագիրները` հայկական ջերմ ու հարազատ մթնոլորտի մէջ:

Օրուան մէջ տեղի ունեցան դասախօսութիւններ, զեկոյցներ, կլոր սեղանի շուրջ հայկական այժմէական հարցերու մասին զրոյցներ։5ll (2)5v5vv5i

Այսպէս, բազմաթիւ ձեռնարկներ կազմակերպուեցան, որոնց կարգին տնտեսական ներդրման (Armenian Social Investment Fund) գծով՝ խօսք առաւ Յովսէփ Սարաֆեան, որ յաւելեալ բացատրութիւններ տուաւ: Ան տեղեկացուց թէ ներդրումներ կատարելով, կարելի է զանազան բնագաւառներէ ներս ներդրում կատարել եւ օժանդակել Հայաստանին:

Գոհար Պալեան անդրադարձաւ Fuller Housing Center¬ի մասին, ուր առանց տոկոսի նիւթական օժանդակութիւն ստանալով, կարելի է բնակարաններ վերանորոգել:

Լոքսան Մաքասճեան խօսեցաւ Հայոց Ցեղասպանութիւնը դաստիարակելու մասին: Ան տեղեկացուց թէ այս գծով արդէն իսկ կայքէջ մը պատրաստուած է.-

www.teachgenocide.com ուր տեղադրուած են բոլոր տեղեկութիւնները:

1e1bՀետաքրքրական էր Գանատայի մօտ, Հ.Հ. դեսպան Արմէն Եկանեանի ներկայացուցած զեկուցումը, ներկայ իրադարձութիւններուն մասին: Այլ հետաքրքրական զեկուցում մը կատարեց դեսպանին զաւակը՝ Գէորգը, որ երկու տարի ծառայած էր հայրենի բանակին եւ կը տեղեկացնէր իր ունեցած փորձառութիւնները:

Հ.Օ.Մ.-ն ալ կատարեց իր սովորական հաւաքը, իսկ Հայ Դատի Ուաշինկթընի կեդրոնական գրասենեակի պատասխանատու Քէն Խաչիկեան, իր կարգին զեկուցեց հարիւրամեակի առթիւ կատարուելիք ձեռնարկներուն եւ յատկապէս Անգարայի կողմէ կատարուած հակաքարոզչական աշխատանքներուն մասին:

Տոքթ. Ճոն Պիլեզիքեան (Նիւ Եորքի Քոլումպիա Համալսարանի շրջանաւարտ) երկու նիստերու ընթացքին, անդրադարձաւ սննդանիւթի եւ սննդականոնի մասին:6ddddd6eeee

Նաեւ Վարդան ասպետները ունեցան իրենց սովորական հաւաքը:

Տեղի ունեցաւ սովորութիւն դարձած յատուկ երեկոյթ, ուր նաւապտոյտի կեդրոնական վարչութիւնը իը սրտի խօսքը ներկաներուն փոխանցեց:

Այս առիթով բաժնուեցան նաւապտոյտի պատմութիւնը ընդգրկող պատկերազարդ գրքոյկներ ինչպէս նաեւ յառաջիկայ տարուան նաւապտոյտի մանրամասնութիւններ, որուն յաջորդեց քոքթէյլի շքեղ հիւրասիրութիւն:

Ահաւասիկ պատկերը մեր անցնող նաւապտոյտին: Տեղին է կարեւորութեամբ ընդգծել այն հիմնականն ու կենսականը, որն է մէկ ու անբաժան ընտանիքի մը պատկանելու զգացումը բոլորի մօտ ամբողջ նաւապտոյտի տեւողութեան: Այդ զգացումով եւ ապրումով է որ պիտի կատարուի 2016-ի նաւապտոյտը, երբ մեր նաւը գագաթին ծածանող եռագոյնով դարձեալ պիտի ընդունի մեր հայրենակիցները:6ppppp7l7m7mmn

Կարելի է անվարան յայտարարել, որ մէկ շաբաթ յետոյ ոչ ոք յուսախաբ եղաւ նաւապտոյտէն, ընդհակառակը մեր հայրենակիցները վերին աստիճանի գոհունակ նաւապտոյտ յանձնախումբի տարած բծախնդիր ծրագրումներէն ու հաճոյակատար պատրաստակամութենէն, հրաժեշտ տուին իրարու` միաժամանակ խօսք տալով, որ պիտի մասնակցին գալ տարուան նաւապտոյտին, որ պիտի տեւէ ութ օր:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles