Լրահոս

Ամերիկահայութիւնը Պատրաստակամութիւն Կը Յայտնէ Գործակցելու Սպիտակ Տան Նոր Վարչակազմին Հետ

ՈՒԱՇԻՆԿԹԸՆ.- Յունուարի 20-ին նորընտիր Նախագահ Տոնըլտ Թրամփ եւ իր վարչակազմը, ստանձնեցին Սպիտակ Տան բանալիները:
Հաւանաբար կանուծ է վերլուծել թէ ինչպիսի՞ դիրքորոշումներ պիտի որդեգրէ Թրամփի վարչակազմը Հայաստանին եւ Սփիւռքին յուզող խնդիրներու վերաբերեալ: Ամերիկահայ կազմակերպութիւնները կը շարունակեն գործել` հայութիւնը յուզող հարցեր առաջ տանելու ուղղութեամբ:
Այս Առթիւ, Հայ Դատի Կեդրոնական գրասենեակի գործավար Արամ Համբարեանը յայտնեց թէ.- «Մենք չենք աջակցած նախագահական թեկնածուներէն ոչ մէկուն հետ, քանի որ կը կարծենք, որ անոնցմէ ոչ մէկը կրնայ գործակցութիւն ցուցաբերել: Սակայն անհատ շատ մը ամերիկահայեր գործեցին երկու թեկնածուներուն հետ: Հետեւաբար, մենք կը շարունակենք աշխատանքները նորընտիր Քոնկրէսի, արտաքին յարաբերութիւններու յանձնաժողովներու հետ, ինչպէս նաեւ վարչակազմի նորանշանակ անդամներուն հետ: Որոշ մօտեցումներ պէտք է շարունակուեն, սակայն կան քաղաքական մօտեցումներ, որոնք պէտք է փոխուին: Մենք պատրաստակամ ենք համագործակցելու Թրամփի վարչակազմի հետ այդ խնդիրներու առնչութեամբ:Ամերիկահայ համայնքը բաւականին լայն շրջանակ է: Մենք ունինք ամերիկահայ կազմակերպութիւններ եւ անհատներ, որոնք պէտք է որ համախմբուին` մեր ձայնը մայրաքաղաքէն ներս լսելի դարձնելու համար»:
Անդրադառնալով անցեալ ութ տարիներու մասին, Համբարեան յայտնեց թէ Օպամայի վարչակազմը սկիզբները աննախադէպ յուսադրող էր եւ խոստումնալից, սակայն այդ խոստումները Արցախի, Ցեղասպանութեան, հայ-ամերիկեան յարաբերութիւններու մասին մնացին անկատար: Աւելի շատ խօսքեր էին, քան արդիւնքներ:
«Թրամփի վարչակազմը կը տարբերի նախորդէն եւ հիմնովին կրնայ փոփոխութեան ենթարկել ամերիկեան աւանդական քաղաքականութիւնը: Մենք յոյս ունինք, որ այդ փոփոխութիւնները իրենց դրական անդրադարձը կ՛ունենան Հայոց Ցեղասպանութեան ու Արցախի ճանաչման խնդիրներուն առնչութեամբ», աւելցուց Արամ Համբարեան:

Already a subscriber? Log in here

This story is FREE for you...

Create a free account to access this article and get more of our top stories sent to you by newsletter.

Or, subscribe now for unlimited access
By submitting your email address you agree for Hairenik Weekly to send you communication by email
Back to top button