ԱՄԵՐԻԿԱՀԱՅՈՒԹԵԱՆ ՇՆՈՐՀԱԿԱԼՈՒԹԻՒՆԸ ՓՐԱՆԿԻՍԿՈՍ ՊԱՊԻՆ

0 0
Read Time:1 Minute, 12 Second

pope1

Ամերիկահայութիւնը մեծ խանդավառութեամբ դիմաւորեց Փրանկիսկոս Պապի այցելութիւնը Միացեալ Նահանգներ: Արդարեւ, Ուաշինկթընի, Նիւ Եորքի եւ Ֆիլատելֆիոյ մէջ, պաստառներով ամերիկահայութիւնը իր շնորհակալութիւնը յայտնեց Պապին, որ յատկապէս Հայոց Ցեղասպանութեան հարիւրամեակին առթիւ պատշաճ քարոզ մը կատարած էր Վատիկանի մէջ:
Ուաշինկթընի մէջ, Քափիթըլ Հիլի մօտ հաւաքի ընթացքին, Հայ Դատի Յանձնախումբի կազմակերպութեամբ եւ հովանաւորութեամբ ներկայ էր տեղւոյն գաղութը բարձրացնելով պաստառներ, որոնց վրայ գրուած էր .- «Շնորհակալութիւն…Հայոց Ցեղասպանութեան Ճանաչման Համար»:pope2 phl
Մասնակցող երիտասարդներէն՝ Տիգրան Խոտանեան յայտնեց.- «Երախտապարտ են Պապին, եւ այդ իսկ պատճառով ժամանած ենք հոս եւ կ՛ուզենք մեր շնորհակալութիւնը յայտնել»:
Նշենք թէ Պապը պատմական ելոյթ մը ունեցած էր Քոնկրէսէն ներս:
Նիւ Եորքի մէջ, Պապի այցելութեան ներկայ էր գաղութը: Կազմակերպութեամբ տեղւոյն Հայ Դատի Յանձնախումբին, ամերիկահայեր ժամանած էին Մանհաթընի Սուրբ Պատրիկ եկեղեցին, ուր նմանօրինակ շնորհակալութեան եւ երախտապարտութեան պաստառներ պարզուած էին:pope3 ny
Տեղւոյն Հայ Դատի երիտասարդ գործիչներէն՝ Արթիւր Մարտիրոսեան, այս առթիւ նշեց.- «Պապը օրինակելի տիպար մըն է: Այլ ղեկավարներ պէտք է որ հետեւին անոր օրինակին, որոնց կարգին յատկապէս նախագահ Օպաման: Պատմութիւնը պէտք է վերատեսութեան ենթարկել եւ հաշՈՒի ու արդարութիւն պահանջել: Ապա թէ ոչ նմանօրինակ դէպքեր կրնան կրկնուին»:
Ֆիլատելֆիոյ մէջ, տեղւոյն գաղութը գործի լծուած էր դիմաւորելու Փրանկիսկոս Պապը: Այս գծով, արդէն իսկ ամիսներ առաջ կատարուած էին պատրաստութիւնները, լոյս ընծայելու համար Հայոց Ցեղասպանութեան գծով յատուկ պաստառներ եւ ծանուցումներ, որոնք պատրաստուած էին ամենայն բծախնդրութեամբ:
Այս գծով, տեղւոյ Հայոց Ցեղասպանութեան Հարիւրամեակի Յանձնախումբի ներկայացուցիչներէն Քիմ Եագուպեան ըսաւ թէ.- «Շնորհակալութիւն կը յայտնենք գաղութին, որ առատաձեռնօրէն գործակցեցաւ, որ պատշաճօրէն դիմաւորենք Պապը»:
Նշենք թէ, իր այցելութեան ընթացքին, Փրանկիսկոս Պապը մեծ տպաւորութիւն ձգած էր եւ վայելած՝ մեծ ժողովրդականութիւն:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles