Աղաւնոյի Մէջ Մեծ Շուքով Նշուեցաւ Ծաղկազարդը

0 0
Read Time:1 Minute, 42 Second


Քաղուած՝ ԱՊԱՌԱԺ-էն

Հայաստանէն Արցախ ժամանողներուն առաջին գիւղը, որ կը դիմաւորէ, այդ ալ Աղաւնոն է, այսինքն Արիաւանը:
Աղաւնոն Արցախի այն հերոսական գիւղերէն է, որու բնակիչները պատերազմի օրերուն հերոսաբար դիմադրեցին եւ պաշտպանեցին: Այսօր կառչած են իրենց հողին,հակառակ անոր, որ շրջապատուած են թշնամիներով:
Ապրիլի 10-ին, երբ Հայ Առաքելական եկեղեցին նշեց Ծաղկազարդի տօնը, Աղաւնոյ ժամանեցին բազմաթիւ հայորդիներ:
Տեղւոյն դպրոցի բակին մէջ, բնակիչները համեղ հիւրասիրութիւն կազմակերպեցին ժամանող հիւրերուն համար:
Միջոցառումին մեկնարկը կատարուեցաւ Աղաւնոյ գետի ափին, ուր դպրոցի աշակերտներէն՝ Նիքոլայը ներկաներին պատմեց գիւղի ազատագրման եւ վերաբնակեցման պատմութիւնը, այնուհետեւ շրջելով գիւղի տարածք` ներկաներին ծանօթացան գիւղի թաղամասերուն, որոնք կը կրէին հերոսներուն անունները:
Խորհրդանշական էր Մարաղայի ջարդերու օրը գտնուիլ Աղաւնոյ, քանի որ Մարաղայի ջարդերէն փրկուած հայերը հաստատուած են Աղաւնոյ:
Ներկաներուն ուռենիի ճիւղերով պսակներ բաժնելէ ետք, դպրոցի բակին մէջ կազմակերպուեցաւ մշակութային ձեռնարկ` լի ազգային երգ ու պարով, խաղերով ու մրցոյթներով:
«Մշակութամէտ» նախաձեռնութեան անդամ Միրապ Պապայեանը նշեց, որ տարէ մը ի վեր կ՛այցելեն սահմանային գիւղեր: «Մեր կամաւորներն ամէն շաբաթ այցելում են ամենահեռու գիւղեր, որտեղ մշակոյթի դասաւանդման հնարաւորութիւն չկայ եւ դասաւանդում ենք, քանի որ մեր նպատակը սահմանամերձ գիւղերը սահմանապահ գիւղեր դարձնելն է: Հիմա արդէն նաեւ Արցախում ենք, Աղաւնոյ գիւղում եւ մեր երեք ուսուցիչները կամաւոր տեղափոխուել են, ու մէկ ամսից աւելի է, ինչ այստեղ են», ըսաւ Պապայեան, որ ընդգծեց, որ նպատակ ունեն մեր ազգային տօներն ու ծէսերը վերականգնելու:
«Սրանից առաջ նաեւ Բարեկենդանն ենք նշել Տաւուշում, այսօր Ծաղկազարդն ենք նշում Աղաւնոյում եւ կը շարունակենք, սակայն այս ամէնի հիմքում հայկական մշակոյթի վերածննդի ապահովումն է մատաղ սերնդի մէջ է: Ապագայում Արցախում սպասւում են նաեւ ուրիշ ծրագրեր: Լաւ կը լինէր, եթէ կառավարութեան հետ համատեղ իրականացուէին ծրագրերը, քանի որ այս պահին բոլոր ծրագրերն իրականացւում են կամաւորների միջոցներով: Այս պահին նախաձեռնութեանը անդամակցում են հարիւրից աւելի կամաւորներ», յայտնեց ան:
Արցախի մէջ, ազգային, եկեղեցական տօներու նշումը կը փաստէ, որ Արցախի մէջ կեանքը կը շարունակուի եւ արցախցին հաւատարիմ է իր սկսած պայքարին, պատրաստակամ` հայկական պահելու սրբագործուած իր հողը եւ պայքարելով շահիլ այնտեղ ազատ ապրելու իր բնական իրաւունքը:

Պատերազմի աւարտէն ի վեր Հայ Յեղափոխական Դաշնակցութեան Արեւելեան շրջանի Կեդրոնական Կոմիտէի եւ Ամերիկայի Հայկական Մշակութային Հիմնարկի Արցախ Ֆոնտի պատուիրակութիւններ այցելած են Արիաւան`գիւղացիներու կարիքները բաւարարելու եւ աջակցութիւն ցուցաբերելու մտադրութեամբ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles