Ֆիլատելֆիա․- Ազգային Հայկազեան Վարժարանի Ամավերջի Հանդէսը

0 0
Read Time:1 Minute, 11 Second

Մայիս 22 թուականը եզակի օր մըն էր ազգային Հայկազեան կիրակնօրեայ վարժարանի մեծ ընտանիքին համար։ Ներկաները եկած էին ըմբոշխնելու ամավերջի հանդէսն ու մոմավառութիւնը։ Հանդէսը նուիրուած էր Սփիւռքի Տարուան։ Ներկայ էին Ա․Մ․Ն․ արեւելեան Թեմի Ազգային Ուսումնական Խորհուրդի վարիչ քարտուղարուհի՝ տիկին Մարի Կիւլիւմեան եւ արեւելեան Ա․Մ․Ն․-ի Հ․Օ․Մ․-ի շրջանային վարչութեան ատենապետուհի Գարոլին Շմաւոնեան։

Խնամակալ մարմնի անդամներէն տիկին Շաքէ Փանոսեան անգլերէնով բարի գալուստ մաղթեց ներկաներուն եւ շնորհակալութիւն յայտնեց հովիւներուն, ուսուցիչներուն, ծնողներուն, Հ․Օ․Մ․-ի ընկերուհիներուն եւ ներկաներուն։ Ան խօսեցաւ ազգային Հայկազեան վարժարանի ծրագրերուն մասին։ Ապա խնամակալ մարմնի ատենապետուհի՝ տիկին Նայիրի Աղաճանեան – Պալանեան ողջունեց ներկաները։

Ան տեղեկացուց, թէ ազգային Հայկազեան Վարժարանը 1926-էն ի վեր կը գոյատեւէ, շնորհիւ ազգային ոսումնական խորհուրդին, Սուրբ Գրիգոր Լուսաւորիչ Եկեղեցւոյ եւ Հ․Օ․Մ․-ի զոյգ մասնաճիւղերուն։ Նայիրի Աղաճանեան – Պալանեան շնորհակալութիւն յայտնեց հայերէնի ուսուցիչներ՝ Մայտա Կարապետեանին, Անուշ Յովսէփեանին եւ օգնական ուսուցչուհի՝ Սիլվի Վուլֆին։ Յատուկ շնորհակալութիւն յայտնուեցաւ նաեւ Ներսէս Ա․ քահանայ Մանուկեանին, որ միշտ ալ թիկունք կանգնած է այս վարժարանին, նաեւ բարի գալուստ յայտնեց շրջանի նոր հովիւ՝ Տէր Թորգոմ քհն․ Չորպաճեանին։ Նշենք, թէ հետեւողական ձեւով, կ՛օժանդակեն նաեւ, եկեղեցւոյ ներկայացուցիչ՝ Յարութ Աղաճանեան, թեքնիք հարցերու օգնական Արա Գահվէճեան, Հ․Օ․Մ․-ի «Անի» Մասնաճիւղի ընկերուհիներ՝ Տորի Քեշկէկեան եւ Շաքէ Փանոսեան, «Արտեմիս» Մասնաճիւղէն Անի Աշոտեան։

Ապա, մեկնարկը տրուեցաւ հանդէսին, որ մեծ խնամքով պատրաստած էին աշակերտներն ու ուսուցիչները։ Հանդիսութիւնը պաշտօնապէս բացուեցաւ քայլերգներով։ Օրուայ հանդիսավարն էր Վանի Աշոտեանը, որ իր պարտականութիւնը սքանչելի կերպով կատարեց։

Հուսկ, կատարուեցաւ հիւրասիրութիւն եւ մոմավառութիւն։

Ն․ Աղաճանեան – Պալանեան

Ֆիլատելֆիա

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles