ԱԶԳԱՅԻՆ ԺՈՂՈՎԻ ԱՐՏԱԿԱՐԳ ՆԻՍՏ՝ ՆԱԽԱՁԵՌՆՈՒԹԵՌԱՄԲ Հ.Յ.Դ.-Ի

0 0
Read Time:1 Minute, 14 Second

1 main

ԵՐԵՒԱՆ.- Երեքշաբթի, Դեկտեմբեր 16-ին, Հ.Յ.Դաշնակցութեան նախաձեռնութեամբ, Ազգային ժողովէն ներս, տեղի ունեցաւ արտակարգ նիստ` ազատամարտիկներու եւ Արամ Մանուկեանի նկատմամբ կիրառուած բռնարարքները դատապարտելու յայտարարութիւն ընդունելու նպատակով: Արձանագրուած եւ ժամանած էին 78 պատգամաւորներ, որոնց շարքին էին «Բարգաւաճ Հայաստան» կուսակցութենէն Նայիրա Զոհրապեան, «Հայ Ազգային Քոնկրէս»էն Գագիկ Ջհանկիրեան եւ Լեւոն Զուրապեան, «Ժառանգութիւն» կուսակցութենէն Ռուբէն Յակոբեան եւ Թեւան Պօղոսեան: Հ.Յ.Դ. խմբակցութեան ղեկավար Արմէն Ռուստամեան շնորհակալութիւն յայտնեց բոլոր այն պատգամաւորներուն, որոնք միացան այդ ստորագրահաւաքին, առաւել եւս անոնց, որոնք ներկայացած են այդ արտակարգ նիստին:
«Ճիշդ կ՛ըլլար, որ յայտարարութիւնը ստորագրուէր 131 պատգամաւորներու կողմէ, որ աւելի նպատակային եւ ուժեղ կը դարձնէր այս դատապարտող եւ կանխարգիլող յայտարարութիւնը:… Շատ երկար բացատրութեան հարց չկայ, որովհետեւ յայտարարութեան բովանդակութիւնը այս երկու օրերուն քննարկման առարկան եղած է, եղան բազմաթիւ խորհրդակցութիւններ տարբեր քաղաքական ուժերու հետ, որոնք առանձին յայտարարութիւններ կատարեցին, բայց առաւել կը գնահատեմ այն հանգամանքը, որ պատգամաւորները միացան այս ստորագրահաւաքին, կարեւորեցին այս յայտարարութեան ընդունումը Ազգային ժողովին կողմէ, եւ ատոր նշանակութիւնը դժուար է գերագնահատել: Այս յայտարարութիւնը ոչ այնքան կը վերաբերի մինչեւ հիմա կատարուածին, որքան կարեւոր կանխարգելիչ նշանակութիւն ունի ապագային համար, եւ Ազգային ժողովը իր դերին համապատասխան կը ներկայանայ հասարակութեան եւ կու տայ իր քաղաքական գնահատականը: Ողջունելի է, որ ուժերը անկախ անկէ, թէ որ դաշտին մէջ կը գտնուին, կը դատապարտեն այս արարքները: Ինչ որ տեղի ունեցաւ, անյարիր է որեւէ բնականոն քաղաքակիրթ հասարակութեան, պէտք է այդ անձերը գիտնան, որ ոչ մէկ հանդուժողականութիւն կրնայ ըլլալ այդ արարքներուն նկատմամբ, անկախ որեւէ յարաբերութիւններէ եւ հանգամանքներէ: Նման երեւոյթները միահամուռ պէտք է դատապարտուին եւ վերացնեն անպատժելիութեան զգացումը մարդոց մօտ», յայտնեց Արմէն Ռուստամեան:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles