ԱԶԱՏ ՈՒ ԱՆԿԱԽ ԱՐՑԱԽԸ ԴԻՄԱՒՈՐԵՑ ԵՐԿՈՒ ՎԵՀԱՓԱՌ ՀԱՅՐԱՊԵՏՆԵՐԸ

0 0
Read Time:2 Minute, 41 Second

p1 a

ՍՏԵՓԱՆԱԿԵՐՏ.- Չորեքշաբթի, Ապրիլ 13, 2016-ը պատմական օր մը եղաւ հայ ժողովուրդին համար՝ Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսի եւ Ն.Ս.Օ.Տ.Տ. Արամ Ա. Մեծի Տանն Կիլիկիոյ Կաթողիկոսի Արցախի Հանրապետութիւն այցելութեամբ։
Երկու Վեհափառ Հայրապետները, Երեւանի ժամով 12:00-ին, ուղղաթիռով ժամանեցին Արցախի Հանրապետութիւն, ուր դիմաւորուեցան տեղւոյն Թեմի Առաջնորդ Գերշ. Տ. Պարգեւ Արք. Մարտիրոսեանին, հոգեւորականաց դասուն եւ պետական անձնաւորութիւններուն կողմէ։ p1 bp1 dp1 c

 

 

 

 

 

Ապա, Վեհափառ Հայրապետները դիմաւորուեցան, եւ հանդիպում ունեցան Արցախի հանրապետութեան նախագահ Տիար Բակօ Սահակեանին կողմէ։ Հանդիպման ընթացքին, նախագահը Վեհափառ Հայրապետներուն մանրամասնօրէն զեկուցեց վերջին օրերուն Արցախի տարածքին տեղի ունեցած զարգացումներուն շուրջ։
Թէ՛ Արցախի եւ թէ՛ բոլոր հայ ժողովուրդին այս ճգնաժամային օրերուն, երկու Վեհափառ Հայրապետներուն Արցախ այցելութիւնը նպատակ ունի զօրակցիլ տեղւոյն իշխանութիւններուն, հայոց արի բանակին ու Արցախի հերոս ժողովուրդին։28-1024x683

Ամենայն Հայոց Գարեգին Բ. կաթողիկոսն ու Մեծի Տանն Կիլիկիոյ Արամ Ա. կաթողիկոսը այցելեցին Գանձասարի պատմական վանքը` ուղեկցութեամբ Լեռնային Ղարաբաղի Հանրապետութեան Ազգային ժողովի նախագահ Աշոտ Ղուլեանի: Երկու հայրապետները «Հրաշափառ»-ով մուտք գործեցին Սուրբ Յովհաննէս տաճար, ուր տեղի ունեցաւ Կանոնական Աղօթք:

Արցախի թեմի առաջնորդ Պարգեւ արք. Մարտիրոսեան բարի գալուստ մաղթեց վեհափառ հայրապետներուն: Ապա, Գարեգին Բ. վեհափառ հայրապետը ընթերցեց հայրապետական պատգամը. «Եկած ենք աղօթելու մեր զինուորներու անվտանգ ու ապահով ծառայութեան համար: Եկած ենք զօրակցութիւն բերելու Լեռնային Ղարաբաղի Հանրապետութեան իշխանութիւններուն, ամբողջ արցախահայ մեր ժողովուրդին` Արցախի խաղաղ, լուսաւոր կեանքը կերտելու իրենց ջանքերուն համար: Եկած ենք` գօտեպնդելու Արցախի մեր ժողովուրդը, գօտեպնդելով` նաեւ գօտեպնդուելու արցախահայութեան անկոտրում կամքով եւ քաջարի ոգիով մեր զինուորները: Փա՛ռք քեզ արցախահայութիւն, փա՛ռք քեզ հայոց բանակ: Հպարտ ենք ձեզմով, ձեր սխրանքներով, ձեր խիզախ պահուածքով»:8910

 

 

 

 

 

Արամ Ա. վեհափառ հայրապետը, այս առիթով հաւաքուած Արցախի մեր ժողովուրդի զաւակներուն եւ զինուորականներուն ներկայութեան, իր զօրակցութիւնը յայտնեց Արցախի մեր ժողովուրդին եւ հայոց բանակին: Իր հայրապետական պատգամին մէջ Արամ Ա. կաթողիկոս կոչ ուղղեց ամբողջ հայ ժողովուրդին մէկտեղելու իր ուժերը` ի պաշտպանութիւն Արցախի մեր ժողովուրդի արդար իրաւունքներուն եւ ըսաւ. «Առաջին անգամն է, որ Արցախ կ’այցելեմ, սակայն Արցախը միշտ եղած է ու կը մնայ սրտիս եւ հոգիիս մէջ: Մենք եղած ենք խաղաղասէր ժողովուրդ եւ երբեք ուրիշին իրաւունքը չենք փորձած խլել, սակայն չենք արտօնած միաժամանակ, որ մեր թշնամիները մեր արդար իրաւունքները ոտնահարեն: Թշնամին պէտք է լաւ իմանայ, որ Արցախի մեր ժողովուրդը առանձին չէ, այլ ունի ամբողջ հայ ժողովուրդին զօրակցութիւնը: Պատմութիւնը մեզ սորվեցուցած է, որ ճակատագրական պահերուն միասնական ուժը մեր մեծագոյն զէնքն է, հետեւաբար այսօր եւս ամբողջ հայ ժողովուրդը միասնական այս ուժը պիտի օգտագործէ` զօրակցելու Արցախի մեր ժողովուրդին եւ պաշտպանելու մեր նահատակներու արիւնով սրբագործուած հողը»:6

Երկու վեհափառ հայրապետները այցելեցին Գանձասար վանքի Մեսրոպ Մաշտոցի անուան մատենադարանն ու «Գանձասար» գիտամշակութային կեդրոնը: Ապա, վանքի շրջափակին մէջ ունկնդրեցին «Վանք» գիւղի դպրոցի աշակերտներուն եւ զինուորներուն կողմէ կատարուած հայրենասիրական երգերն ու ասմունքները, եւ օրհնելով զիրենք խաչիկներ բաշխեցին:

Երկու վեհափառ հայրապետները Գանձասարի վանքէն ուղղուեցան Ստեփանակերտի Զինուորական հիւանդանոցը եւ այցելեցին ու օրհնեցին հայրենի հողի պաշտպանութեան ընթացքին վիրաւորուած հայոց բանակի մեր քաջարի զինուորները: Ապա,  Արցախի Հանրապետութեան նախագահ Բակօ Սահակեանի ընկերակցութեամբ երկու վեհափառ հայրապետները շրջագայեցան Ստեփանակերտ քաղաքի կեդրոնական մասը եւ իրազեկ դարձան քաղաքի զարգացումներուն ու ապագայ ծրագիրներուն: Ապա, Վեհափառ հայրապետները առանձին հանդիպում մը ունեցան Ղարաբաղի նախագահին հետ: Հանդիպումը առիթ մը եղաւ, որ նախագահը մանրամասն տեղեկութիւններ փոխանցէ վեհափառ հայրապետներուն Ղարաբաղի վերջին անցուդարձերուն հետ առնչուած դէպքերուն եւ անոնց հետեւանքներուն մասին: Աւելի ուշ, ի պատիւ վեհափառ հայրապետներուն Արցախի նախագահը ընթրիք մը սարքեց, որուն ներկայ գտնուեցան Ազգային ժողովի նախագահը, վարչապետը, նախարարներ, Ազգային ժողովի պատգամաւորներ եւ հայոց բանակի բարձրաստիճան հրամանատարներ:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles