Հաղորդագրութիւն.- Յիշենք Բաշ Ապարանն Ու Կառուցենք Կանաչ Հայաստանը

Մայիս ամսուան ընթացքին, հայկական համայնքները ոգեկոչեցին Բաշ Ապարանի ճակատամարտին 99-ամեակը:
Մայիս 21, 1918-ին, Օսմանական ուժերը կը յարձակէին մայրաքաղաք Երեւանի ուղղութեամբ: Երեք օրուայ կատաղի մարտերէ ետք, հայրենի ուժերը դիմադրեցին եւ պատճառ հանդիսացան, որպէսզի թրքական զօրամասերը նահանջեն:
Հայկական բանակի ղեկավարն էր հրամանատար Դրաստամատ Կանայեանը, որ աւելի ծանօթ է Դրօ անունով: Բաշ Ապարանի կողքին, Սարդարապատի եւ Ղարաքիլիսէի ճակատամարտներուն յաղթական դուրս գալով, կերտուեցաւ Հայաստանի Ա. անկախութիւնը:
Այս պատմական ճակատամարտներու հարիւրամեակի սեմին, հրամանատար Դրոյի ընտանեկան պարագաները, գործակցելով Հայաստանի Ծառատնկման Ծրագրին (Armenia Tree Project) հետ, մտադրած են ստեղծել յատուկ յուշահամալիր մը, Բաշ Ապարանի մօտակայքը գտնուող այգիին մէջ:
Հայաստանի Ծառատնկման Ծրագիրը արդէն իսկ ազդանշանը տուած է գեղեցկացնելու եւ բարելաւելու Ապարանը, ճամբաներ վերանորոգելով, թուփերու եւ ծառատնկման աշխատանք կատարելով:
Դրոյի թոռը՝ Ֆիլիփ Կանայեան, այս գծով կը յայտնէ թէ իր մեծ հայրը պարզապէս մետալակիր չէր, այլ կը ծառայէր հայրենիքին, եւ որեւէ յուշարձան ի յիշատակ հրամանատար Դրոյին պէտք է որ ըլլայ ապրող եւ անմոռանալի յուշ:
Դրոյի դուստրը՝ Օլկա Բրուտեան, իր կարգին կը յայտնէ թէ իր հայրը պարզ հերոս մը չէ, այլ անձ մը որ նուրուած էր հայութեան եւ Հայաստանին: «Իր նպատակն էր ունենալ անկախ հայրենիք», ըսաւ ան:
2000 թուականին, Օլկա եւ Կանայեան ընտանիքի այլ անդամներ փոխադրեցին Դրոյի աճիւնները, որոնք այժմ կը հանգչին Բաշ Ապարանի մէջ: Ալեհեր պապուկ մը՝ Օլկայի մօտենալով, խանդավառօրէն ցոյց տուած է ցայսօր կանգուն տնակ մը, ուր իր հայրն ու հրամանատար Դրօն կռուած ու պաշտպանած են:
Թաթուլ Սոնենց-Փափազեանը, առաջին անգամ Դրոյին հանդիպած է Գահիրէի մէջ 1950-ականներուն, երբ կատարուեցաւ Հ.Յ.Դ. ընդհանուր ժողովը: Թաթուլ կը յիշէ Դրոն իբրեւ մեծ դիւանագէտ եւ ռազմագէտ: «Ան ոչ
շ թէ՛ միայն առաջին հանրապետութեան կերտման մէջ մեծ դեր ունեցաւ, այլ նաեւ Հայ Դատի գծով մեծ ներդրում ունեցաւ», կը յայտնէ Թաթուլ Սոնենց-Փափազեան:
Դրոյի միւս թոռը որ նմանապէս Դրօ անունը կը կրէ, իր կարգին կը շեշտէ թէ իր մեծ հայրը կապուած էր հայրենի հողին, եւ այդ իսկ պատճառով, պէտք է կապուած մնալ հողին, մշակել, շենցնել ու կանգուն պահել: Այս գծով, ան շեշտեց թէ Հայաստանի Ծառատնկման Ծրագիրը հետեւողական ձեւով կը գործէ:
«Ամենայն հպարտութեամբ կը մասնակցինք այս ծրագրին: Մեր կողմէն յատուկ յարգանք եւ տուրք է նմանօրինակ աշխատանք տանիլը», կը յայտնէ Հայաստանի Ծառատնկման Ծրագրի պատասխանատու Ժան Մարի Փափելեան, նշելով թէ 1994-էն ի վեր այս հաստատութիւնը կը գործէ:
Մայիս 28-ի հարիւրամեակի առթիւ, Դրոյի ի յիշատակ կատարուելիք այս ձեռնարկին համար, յառաջիկայ ամիսներուն, Միացեալ Նահանգներու զանազան գաղթօճախներէ ներս պիտի կատարուին բազմաթիւ հաւաքներ: Յաւելեալ տեղեկութիւններու համար, այցելել .- info@armeniatree.org.

Հայաստանի Ծառատնկման Ծրագիր – Armenia Tree Project
Ուպըրն – Մասաչուսէց

Be the first to comment

Leave a Reply

Your email address will not be published.


*