ԵՒՐՈՊԱՅԻ ՀԱՅ ԴԱՏԻ ՅԱՆՁՆԱԽՈՒՄԲԻ ՆԱԽԱՁԵՌՆՈՒԹԵԱՄԲ ԱՐՑԱԽ ԺԱՄԱՆԵՑ ՊԵԼՃԻՔԱՅԻ ԽՈՐՀՐԴԱՐԱՆԻ ԱՆԴԱՄ ԵՕՐԻՍ ՓՕՇԷՆ

ՍՏԵՓԱՆԱԿԵՐՏ.- Եւրոպայի Հայ Դատի յանձնախմբի նախաձեռնութեամբ, Յունիս 21-ին, Արցախ այցելեց Պելճիքայի ծերակուտական, Ֆլանտրիոյ խորհրդարանի անդամ՝ Եօրիս Փօշէն: Անոր ընկերակցեցաւ Եւրոպայի Հայ Դատի յանձնախումբի նախագահ Գասպար Կարապետեանը եւ գրասենեակի եւրոպական հարցերու պատասխանատու Հեղինէ Էվինեանը:

Արցախի հանրապետութեան Ազգային ժողովի փոխնախագահ Վահրամ Բալայեանը, ողջունելով Փօշէի այցը, նշեց թէ Պելճիքայի խորհրդարանականներու հետ բաւականին ջերմ յարաբերութիւններ ստեղծուած են եւ կը փորձուին այդ յարաբերութիւնները տեղափոխել գործնական դաշտ:
«Ինձ մօտ այնպիսի տպաւորութիւն է, որ չնայած կուսակցութիւններու տարբերութիւններին, բոլորի մէջ համախոհութիւն կայ: Պելճիքայի մէջ քիչ բան գիտեն Արցախի հիմնահարցին մասին: Այս գծով խորհրդարանէն ներս բարեկամութեան խումբը հետեւողական ձեւով կը գործէ», յայտնեց Փօշէ:

Be the first to comment

Leave a Reply

Your email address will not be published.


*