ՑՈՅՑ՝ ՊՈՍԹԸՆԻ ԹՐՔԱԿԱՆ ՀԻՒՊԱՏՈՍԱՐԱՆԻՆ ԴԻՄԱՑ

ՊՈՍԹԸՆ.- Երկուշաբթի, Ապրիլ 24-ի կէսօրուան ժամը 12-ին, Թուրքիոյ դեսպանատան դիմաց, հարիւրի շուրջ հայորդիներ խաղաղ ցոյց մը կազմակերպեցին:
Շուրջ մէկ ժամ տեւողութիւն ունեցող այս հաւաքին, պաստառներով եւ լոզունքներով ցուցարարները պահանջեցին արդարութիւն, Հայոց ցեղասպանութեան ճանաչում եւ հատուցում:
Հաւաքը կազմակերպուած էր տեղւոյն Հ.Ե.Դ. «Նժդեհ» մասնաճիւղին եւ Հ.Յ.Դ. «Սարդարապատ» կոմիտէութեան կողմէ:
Հ.Ե.Դ. «Նժդեհ» մասնաճիւղի անդամներէն՝ Շանթ Մարուխեան կատարեց բացման խօսքը, ներկաներուն յայտնելով թէ պէտք է խարունակ պայքարիլ յաչս արդարութեան եւ պահանջատիրութեան: Ապա ան բեմ հրաւիրեց Մեղրի Տէր Վարդանեանը, որ փոխանցէ օրուան պատգամը:
Տէր Վարդանեան շեշտեց թէ առաջնահերթ է երիտասարդութեան դերը, հայ դատի բնագաւառէն ներս գործելու:
Պարմանուհի Քնար Գրաֆեան, իր կարգին խօսք առնելով ըսաւ.- «13 տարեկան եմ: Եկած եմ բողոքելու եւ արդարութիւն պահանջելու: Բոլորս միասնաբար կը պահանջենք արդարութիւն…»:
Արազ Չիլոյեան, իր կարգին խօսք առնելով ըսաւ.- «Մեծայարգ հիւպատոս, գիտցախ եղէ՛ք որ պիտի շարունակենք հոս հաւաքուիլ եւ մեր բողոքը յայտնել, այնքան ատեն որ ձեր պետութիւնը ոչ մէկ աշխատանք կը տանի Հայոց ցեղասպանութեան ճանաչման առնչութեամբ»:
Աւարտին, պատուիրակութիւն մը փորձեց բողոք-նամակ մը յանձնել հիւպատոսին, որ դժբախտաբար մերժեց:

Be the first to comment

Leave a Reply

Your email address will not be published.


*