Մարաղայի Ողբերգութեան 25-ամեակ

Ապրիլ 10-էն 11, 1992-ի լուսցող գիշերուան ընթացքին, ատրպէյճանցի մօտաւորապէս հազար զինեալներ, քսան հրասայլերով եւ զրահապատներով մեծ յարձակում մը շղթայազերծեցին Մարտակերտի շրջանի հինգ հազար բնակչութիւն հաշուող Մարաղա գիւղին վրայ եւ մասամբ գրաւեցին զայն:
Իբրեւ հետեւանք` 50 անձեր սպաննուեցան, իսկ 59 ուրիշներ գերի ինկան:
Հայ ազատամարտիկները հակայարձակումի անցան եւ գիւղէն ետ մղեցին նախայարձակ ուժերը: Ազատագրումէն ետք գիւղին մէջ գտնուեցան ազերիներու կողմէ խողխողուած շուրջ 60 հայերու դիակներ:
Այս առթիւ, Հայաստանի արտաքին գործոց փոխնախարար Շաւարշ Քոչարեան յայտնեց.- «Այս օրը կը խորհրդանշէ Արցախեան պատերազմի ամէնէն մռայլ, սակայն ոչ այդքան յայտնի էջերէն մէկը, երբ 25 տարի առաջ ատրպէյճանական կողմը իր գործողութիւններով կոպտագոյն ձեւով ոտնահարեց միջազգային մարդկային իրաւունքը»:

Be the first to comment

Leave a Reply

Your email address will not be published.


*