Տոքթ. Զարեհ Սողոմոնեանի Դասախօսութիւնը «Համաստեղ» Վարժարանի Աշակերտներուն

Կիրակի Մարտ 26-ին, Ուաշինկթընի Կիրակնօրեայ «Համաստեղ» վարժարանի աշակերտները հետեւեցան հետաքրքրական դասախօսութեան մը, որուն նիւթն էր ելեկտրական, էլեկտրոնային եւ մագնիսական համակարգերու ճարտարագիտութեան մասին հետաքրքրական տեղեկութիւններ:
Օրուան դասախօսն էր Տոքթ. Զարեհ Սողոմոնեան, որ մասնագիտացած է այս բնագաւառէն ներս եւ պատասխանատու պաշտօն ստանձնած՝ Ամերիկեան ծովուժէն ներս:
Սողոմոնեան ժապաւէններու ցուցադրութեամբ ներկայացուց այս գիտական նիւթը, որ մեծ հետաքրքրութիւն ստեղծեց աշակերտներուն մօտ: Այս դասախօսութեան նպատակն էր, աշակերտներուն բացատրել թէ, անոնք կրնան իրենց մասնակցութիւնը բերել նմանօրինակ բնագաւառներէ ներս, հետեւելով ծրագրուած յատուկ դասընթացքի:
Նշենք թէ, նախքան դոկտ. Զարեհ Սողոմոնեանի այս խիստ հետաքրքրական դասախօսութիւնը, խօսք առին «Համաստեղ» վարժարանի տնօրէն Յովսէփ Աւագեան եւ Կալին Թանաշեան:
Այս դասախօսական ձեռնարկը նաեւ կը վայելէր հովանաւորութիւնը՝ Ուաշինկթընի «Համազգային»ի մասնաճիւղին:

Be the first to comment

Leave a Reply

Your email address will not be published.


*