Աւօ Ուվեզեանի Հրաժեշտը

ՕՐԼԱՆՏՕ.- Մարտ 25ին, Օրլանտոյի մէջ, 91 տարեկանին մահացած է երաժիշտ եւ «սիկառի արքայ» Աւօ Ուվեզեան: Ան հեղինակն է Ֆրենք Սինաթրայի «Սթրէյնճըրզ ին տը նայթ» երգին:
Ծնած՝ 1926ին, Պէյրութ, ան դիպուածով կը ծանօթանայ Պարսկաստանի շահ Ռեզա Փահլաւիին, որուն համակրանքին արժանանալով կը ժամանէ Միացեալ Նահանգներ, ուսանելու Նիւ Եորքի «Ճուլիըրտ» հանրածանօթ դպրոցին մէջ:
Ապա, ամուսնանալով ծանօթ ոսկերիչի մը աղջկան, երաժշտութեան զուգահեռ կը զբաղի նաեւ ոսկերչութեամբ: 1958ին ճակատագիրը իրեն կը վերապահէ երջանիկ անակնկալ մը եւս: Ան Լաս Վեկասի մէջ կը ծանօթանայ Սինաթրայի հետ: Տարի մը ետք Ուվեզեանի յօրինած «Պրոքըն կիթառ» երգը կը ներկայացուի Սինաթրային: Այս վերջինը հիացած, կ՚առաջարկէ միայն բառերը փոխել: Այդպէսով ծնունդ կ՚առնէ աշխարհահռչակ «Սթրէյնճըրզ ին տը նայթ» երգը:
Երաժշտական իր ասպարէզին զուգահեռ՝ Ուվեզեան նաեւ ամէնէն թանկարժէք «AVO» մակնիշի սիկառներու հիմնադիրն էր:

Be the first to comment

Leave a Reply

Your email address will not be published.


*