Հ.Հ. Նախագահ Սերժ Սարգսեան Այցելեց Ֆրանսա

ՓԱՐՒԶ.- Մարտ 7-ին, Հ.Հ. նախագահ Սերժ Սարգսեան պաշտօնական այցելութեամբ ժամանեց Ֆրանսա:
Ան հանդիպումներ ունեցաւ Ֆրանսայի բարձրագոյն ղեկավարութեան` նախագահ Ֆրանսուա Հոլանտի, Ծերակոյտի նախագահ Ժեռար Լարշէի, Ազգային ժողովի նախագահ Քլոտ Պարթոլոնի, եւ Փարիզի քաղաքապետ Անն Հիտալկոյի հետ: Այս առթիւ ստորագրուեցան բաձր մակարդակի երկկողմանի յարաբերութիւններու ամրապնդման ու փոխադարձ գործակցութեան խորացման ուղղուած շարք մը փաստաթուղթեր:
Նաեւ նախագահ Սարգսեան Ֆրանսախօս երկիրներու միջազգային կազմակերպութեան կեդրոնին մէջ հանդիպում ունեցաւ կազմակերպութեան ընդհանուր քարտուղար Միքայէլ Ժանին հետ: Ան ընդգծեց, որ այս հանդիպումը նախ եւ առաջ լաւ առիթ է` ամփոփելու նախորդ տարիներու ձեռքբերումները եւ ուղենշելու հետագայ ընելիքները` նկատի առնելով, որ յաջորդ տարի կը լրանայ Ֆրանսախօս երկիրներու միջազգային կազմակերպութեան մէջ Հայաստանի անդամակցութեան տասնամեակը: Նախագահ Սարգսեան նշեց, որ կազմակերպութեան հետ համագործակցութեան ընթացքին Հայաստանը երբեք չէ դադրած ջանքեր գործադրել` խրախուսելու կազմակերպութեան արժէքներու եւ ֆրանսերէնի տարածումը: Նաեւ Ֆրանսախօս երկիրներու միջազգային կազմակերպութեան աջակցութեամբ է, որ Հայաստանի մէջ արդէն կը գործէ ֆրանսերէնով կրթական ծրագիրը` մանկապարտէզէն մինչեւ համալսարան:
Նախագահ Սարգսեան շնորհակալութիւն յայտնած է Արցախեան տագնապին վերաբերեալ կազմակերպութեան եւ անձամբ Միքայէլ Ժանի հաւասարակշռուած դիրքորոշման համար:

Be the first to comment

Leave a Reply

Your email address will not be published.


*