ՔԱՐԻՆՏԱԿԻ ՀԵՐՈՍԱՄԱՐՏԻ 25-ԱՄԵԱԿ

ՍՏԵՓԱՆԱԿԵՐՏ («Ապառաժ»).- Քարինտակի հերոսամարտի 25-ամեակին առթիւ, յատուկ հաւաք մը տեղի ունեցաւ, Արցախի մշակոյթի եւ երիտասարդական հարցերու նախարարութեան նախաձեռնութեամբ: «Ննջեցէք խաղաղութեամբ, ձեր գործը շարունակում ենք» անուան հաւաքը նշուեցաւ, Շուշիի Ղազանչեցոց եկեղեցուոյ զոհուած ազատամարտիկներու յիշատակին կազմակերպուած մոմավառութեամբ: Ստեփանակերտէն հարիւր երիտասարդներ քայլերթով ուղղուաշ էին Քարինտակ գիւղ:

 

 

 

 

 

 

Հանդէս եկաւ համայնքի ղեկավար Մխիթար Առուշանեանը, որ նահատակուած Դաշնակցական հրամանատար Վաղինակ Առուշանեանի որդին է:
«Եթէ քառորդ դար առաջ չլինէր մեր միաբանութիւնը, հազիւ թէ կարողանայինք պաշտպանել մեր գիւղը, իսկ ընդգրկուն առումով` ամբողջ Արցախը: Միասնութեան ոգին պէտք է առաջնորդի մեզ»,յայտնեց Մխիթար Առուշանեանը:
Ազգային-յեղափոխական երգերով հանդէս եկաւ Արցախի բանակին պատկանող «Ասպետ» համոյթը, իսկ ազգային պարերով` Նորագիւղի, Տողի եւ Ազոխի պարախումբերը:
«Այս եւ նման միջոցառումներն իրականացւում են երիտասարդութեան ռազմահայրենասիրական դաստիարակութեան բարձրացման նպատակով», նշեց Արցախի մշակոյթի եւ երիտասարդութեան հարցերու փոխնախարար Գայանէ Գրիգորեանը:
Այս առթիւ, Արցախի բանակի նախարարի հրամանով, շարք մը ազատամարտիկներ պարգեւատրուեցան:

Be the first to comment

Leave a Reply

Your email address will not be published.


*